පොදු ප‍්‍රවාහන සේවයේ යොදවා ඇති බස්රථ වහල මත ගස් වැල් වගා කර තිබීමේ පුවතක් වාර්තා වන්නේ ස්පාඤ්ඤයෙනි.

ස්පාඤ්ඤයේ වායු දුෂණය ඉහළ නගරයන්හි මෙම බස්රථ ධාවනයේ යෙදවේ.මෙම ව්‍යාපෘතියේ අරමුණ ශාඛ වල ප‍්‍රභාසංස්ලේෂණ කි‍්‍රයාවලිය ආධාරයෙන් දුෂිත වාතය යම් තරමකට හෝ පිරිසිදු කර ගැනීමයි.

ප‍්‍රභාසංස්ලේෂණයේ අතුරුඵලයක් ලෙස නිපදවෙන ඔක්සිජන් දුෂිත වාතය පිරිසිදු වීම සදහා හේතු වේ.

‘‘වහල උඩ ගස්‘‘ බස්රථ නිර්මාණ ශිල්පී මාර්ක් ග්රානෙන්ගේ අදහසකි.මෙයින් වාතය පිරිසිදු වනවා සේම බස්රථ දකින හා ඒවායේ ගමන් ගන්නා පුද්ගලයිනුත් වායු දුෂණය ගැන සැළැකිලිමත් වන බව ඔහු කියයි.

ශාඛවලට සැපැයෙන්නේ බස්රථයේ වායුසමන යන්ත‍්‍රයෙන් බැහැර වන ජලයයි.

වර්ෂාවක් වැසි විට වහල කඩාගෙන වැටෙතියි බිය විය යුතු නැත.ශාඛ වගා කර ඇත්තේ විශේෂ අමුද්‍රව්‍යයක් මත ඇතිරූ පස් වල වන අතර මෙම අමුද්‍රව්‍ය ජලය උරාගැනීමේ සමත්ය.වැඩිපුර ජලය බැහැර කිරීම සිදුවේ.