පැරීසියේ ශ්‍රීලනිප පක්ෂ ශාඛාවට දස වසරක් පිරීම නිමිත්තෙන් පැරීසියේ පිහිටි ශ්‍රීලාංකික දේශපාලන පක්ෂ ශාඛා, විවිධ සමාජ ක‍්‍රියාශීලී සංවිධාන එකතුවෙන් බොහෝ පිරිසකගේ සහභාගිත්වයෙන් සංගීත සැඳෑවක් පැවැත්විණි.

සියලූම ජාතීන් නියෝජනය කළ මෙම සැඳෑවට ප‍්‍රධාන ආරාධිතයා ලෙස ප‍්‍රංශයේ ශ්‍රී ලංකා තානාපති තිලක් රණවිරාජා මහතා සහභාගි විය.

ශ්‍රී ලංකාවේ ආකෘතියක් වටා තැන්පත් කළ පහන් වැටක් ද දැල්වුවේය. පැරීසියේ වෙසෙන සුපිරි තරු ගී ගැයුහ. සුපිරි වාදකයෝ වැයුවෝය. පැරීසියේ තිසරාවි නර්තන කලායතනයේ සිසු දරුවන්ගේ නර්තන උත්සවය ආලෝකමත් කළේය. ආරාධිත දේශනය තානාපති තිලක් රණවිරාජා මහතා සිදුකළේය.

‘මම සාමාන්‍යයෙන් දේශපාලන උත්සව වලට සහභාගි වීමට එතරම් කැමැත්තක් නැත. ඒත් අද දින මෙම උත්සවයට සහභාගි වීමට කළ ඇරයුම පිළිගෙන පැමිණියෙමි. එයට හේතුව මෙය සියලූම ජාතීන්ගේ එකමුතුවෙන් සිදුවන්නක් බැවිනි. මෙම වේදිකාව ඉදිරිපිට ඇති ශ්‍රී ලංකාවේ ආකෘතිය වටා ඇති පහන් දැල්වීමට සියලූම ජාතීන් එක්වීම ජාතීන් අතර සංහිඳියාව සංකේතවත් කරන එක් කරුණක්. මම එය ඉතා අගේ කොට සලකනවා. දේශපාලන පක්ෂ, සිවිල් සංවිධාන හා රට වැසියෝ එකමුතුව එක රටක සහෝදරත්වයෙන් ජීවත් වීමේ අවශ්‍යයතාවය අද අපි ඉදිරියේ ඇති අභියෝගයක්. අද අපේ රටේද යහපාලන ජාතික රජය විසින්ද එම කාර්යයට මුල්තැන දී තිබෙනවා. එවැනි අවස්ථාවක විදේශ ගත ඔබලා මෙවැනි එකමුතුවක් සංවිධානය කිරීම ඉතාමත්ම කලෝචිතයි. එයට දායකවූ සියලූ දෙනාටත් පැරීසියේ ශ්‍රීලනීප ශාඛා නිලධාරීන්ටත් ස්තුතිය පුද කිරීමට කැමැත්තෙමි. සාමාන්‍යයෙන් උත්සව වලදී පොල්තෙල් පහන් දැල්වීමට පුරුදුව සිටින අපි, අද මෙවැනි වටිනා නිර්මාණයක් වටා පහන් දැල්වීම සියලූම ජාතීන්ගේ එකමුතුවටත් ඔවුන්ගේ පැහැදිලි විශ්වාසයක් ගොඩ නැගීමටත් ඉවහල් වන බව මතක් කරදීමට කැමැත්තෙමි. එබැවින් මෙවැනි කටයුතු ඉදිරියටත් සිදු කිරීමට ධෛර්යය ලැබේවායි මම ප‍්‍රර්ථනා කරමි.‘

පැරීසියේ ශ්‍රීලනිප ශාඛාවේ සභාපති ඩේමියන් පීරිස් මහතා පැරිස් පන්සලේ ගලගොඩඅත්තේ ඥානසාර හිමියන් වෙනුවෙන් පැවැත්වුණු බෝධි පූජාවකට සහභාගීවීමට නොහැකිවීම ගැන කනගාටුව පළ කළේය. අනිවාර්යයෙන්ම සහභාගි විය යුතු වුවද එයද මහ හැරුණු බවත් නව ජනපති හා යහපාලන රජය ජයග්‍රහණය කරවීමට දෙමළ, මුස්ලිම් ජනයාගේ වැඩ ඡන්ද ලැබුණේ උන්වහන්සේ නිසා බවත් ඊට සහභාගිවීම අපේ යුතුකමක් බවත් තම උත්සවය නිසා එය මග හැරණු බවත් ඔහු කීවේය.

පිළිගැනීමේ කතාව පැරීසියේ ශ්‍රීලනීප ශාඛාවේ සභාපති ඩේමියන් පීරිස් මහතා සිදු කළේය.    උත්සව අවසානයේ රාත‍්‍රී භෝජන සංග‍්‍රහයක්ද පැවැත්විණි.

paris_2016215 paris_2016215-2 paris_2016215-3 paris_2016215-4jpg paris_2016215-5 paris_2016215-6 paris_2016215-7