තම වම් අතෙහි ඇඟිලි පහේම නියපොතු වෙනුවෙන් ලෝක වාර්තාවක් තබා ගීනස් පොතටද නම ඇතුළත් කළ පුද්ගලයකු ඉන්දියාවෙන් වාර්තාවේ. ඉන්දියාවේ ශ්‍රී ධාර් චිලාල් (78) වයස අවුරුදු 16 සිට තම වම් අතෙහි නියපොතු වැවීම අරඹා ඇති අතර වසර 2015 වනවිට තම අතෙහි ඇඟිලි පිළිවෙළින් සුලන්ගිල්ල සෙන්ටි මීටර් 179 ක්ද වෙදැගිල්ලේ සෙන්ටි මීටර් 140 ක් ද මැදඟිල්ල සෙන්ටි මීටර් 186 ක් ද දබරගිල්ල සෙන්ටි මීටර් 164.5 ක් ද මාපට ඇඟිල්ල 197.8 ක් ලෙස වවා ඇත.

පාසල, රැකියාව , විවාහය ඇතුළු විවිධ සන්ධිස්ථාන වලදී තම දිගු නියපොතු බාධකයක් වූ බව  පවසන ශ්‍රී ධාර් චිලාල් හට විවාහ යෝජනා කිහිපයක්ම නියපොතු නිසා බිඳ වැටුණද තම සහෝදරයකුගේ බිරිදගේ පවුලේ සාමාජිකාවක් තමා සමඟ විවාහ වීමට ඉදිරිපත්වූ බවද පවසයි. මේ වනවිට වසර 62 ක් නියපොතු වවා ඇති 78 හැවිරිදි චිලාල් ඉදිරි කාලයේදී තම නියපොතු කෞතුකාගාරයකට භාරදීමට කටයුතු කරන බවද පවසයි.

sridhaar2[1]