දෙවියන්ට ළං වීමට තණකොළ කෑ පිරිසක් දකණු අපි‍්‍රකාවේ සිටිති. ඔවුන් දකුණු අපි‍්‍රකාවේ ගැරන්කුවාහි ආගමික උපදේශකයෙකු වන ලිසෙගෝ ඩැනියෙල්ගේ අනුගාමිකයෝය.

දෙවියන්වහන්සේට ළං වීමට අවශ්‍ය නම් තණකොළ කන ලෙස ඔහු තම අනුගාමිකයින්ට පැවසීය.දෙවියන් වහන්සේගේ බලයෙන් අපේ බඩගින්න නිවා ගන්න අපිට  ඕනෑම දෙයක් කන්න පුළුවන්. එසේම එයින් කිසියම් දෙයක් සිදුවූ විට උන් වහන්සේගේ බලයෙන් අපි සුවපත් වෙනවා’ යනුවෙන් ඔහු කියයි.

ඔහු කී දෙය ඉතා භක්තියෙන් පිළිගත් ඔහුගේ අනුගාමිකයින් කිහිපදෙනෙක් බිම දිගා වී තණකොළ කෑහ. සිත්සේ අනුභව කර පසුව කිහිප දෙනෙක් වමනය කරීමටත්, තවත් කිහිප දෙනෙක් උදරය අල්ලා වැසිකිළියට දිවීමටත් පටන් ගත්තේය.

නමුත් ඔහුගේ වදනට කීකරු වන බොහෝ දෙනෙක් එයින් තමන්ට කිසියම් ප‍්‍රතිලාභයක් ලැබුනු බව පැවසීය. ඒ අතුරින් එක් අයෙක්ගේ බොහෝ කාලයක සිට පැවතුණ උගුරේ අමාරුවක් සුව වූ අතර තවකෙක් ආඝාතයෙන් පෙළී අවුරුදු 2 ක් අවිදගැනීමටවත් නොහැකි වූ ඔහු තණකොළ කෑ පසු සුව වී ඇවිදින්නට ගත් බව පැවසීය.

එම අවස්ථාවේදී ලබා ගත් ඡායාරූප පෙළක් මුහුණු පොතේද පළ කරන ලදි. එයට විරුද්ධව බොහෝ පිරිසක් විවිධ චෝදනා එල්ල කරමින් කියා සිටියේ මොහු ආගමට අවමන් කරන බැවින් අත්අඩංගුවට ගත යුතු බවයි. එසේම මිනිසුන්ට සත්තුන්ට කන තණකොළ කවනවා නම් එය කිසි විටෙකත් දෙවියන්ගේ කැමත්තක් නොවන බව ඔවුන්ගේ මතයයි.

‘දෙවියන් වහන්සේගේ වචනය පිළිපඳින මිනිසුන් තණකොළ කා එයට සාක්ෂි දුන්නා.’ යනුවෙන් මෙම චෝදනා සියල්ල ප‍්‍රතික්ෂේප කරමින් ඩැනියෙල් කියා සිටියේය.