ඇමරිකා ජනපතිවරණ සටනේ ඉදිරියෙන් සිටින අපේක්ෂකයකු වන රිපබ්ලිකන් පක්ෂයේ ඩොනල්ඩ් ට්‍රම්ප් චීනයේ නව ආර්ථික ප්‍රතිපත්ති දැඩි ලෙස විවේචනය කළ බව විදෙස් මාධ්‍ය වාර්තා කියයි.

ඉන්දියානාවේ පැවැති ඡන්ද ප්‍රචාරක රැලියකට එක්වෙමින් ට්‍රම්ප් කියා සිටියේ ලෝක ඉතිහාසයේ මෙතෙක් සිදුවූ ලොකුම වංචාව සම්බන්ධයෙන් චීනය වගකීම බාරගත යුතු බවයි. චීනය ගෝලීය අපනයන තරගකාරීත්වය ඇති කිරීම සඳහා චීන මුදල් ඒකකය වන යුවාන් නෝට්ටුව විවිධ නූල් සූත්තරවලට ලක්කරන බව ට්‍රම්ප් කියයි. මේ හේතුවෙන් ඇමරිකාවේ ව්‍යාපාරිකයන්ට හා සේවකයන්ට දරුණු අනතුරක් ඇතිවන බවද ඔහු පෙන්වා දෙයි.

චීනයට තම රට දූෂණය කිරීමට ඉඩ නොදිය යුතු බවත් එය අප කරන දෙයින් තීරණය වන බවත් ට්‍රම්ප් කියා සිටී.