කාන්තාවකට ලිංගික අතවර කිරීමේ වරදට රූපවාහිනී විකට වැඩසටහනක් වන කොස්බි ෂෝ ඉදිරිපත් කළ බිල් කොස්බිට අමෙරිකා අධිකරණයක් ඩොලර් මිලියනයක ඇපයක් නියම කරනු ලැබීය.

2004 වසරේදී කාන්තාවක් පැහැරගෙන ඇයට මත්පෙති ලබාදී අතවරයක් සිදුකිරීම සම්බන්ධයෙන් 77 හැවිරිදි කොස්බිට නඩු පවරා තිබිණි.

පෙනිස්ල්වේනියාවේ අධිකරණයක් ඔහුට එම චෝදනාවට ඇප ලබාදුන් අතර ඔහුගේ  විදෙස් ගමන් බලපත්‍රය ද තහනම් කැරිණි.

මීට පෙරද කොස්බි විවිධ අපචාර හා මත්ද්‍රව්‍ය චෝදනා රැසකට සම්බන්ධ අයෙක් බව ඇමරිකා වාර්තා පෙන්වා දෙයි. 

කොස්බිට ඇවිදීමේ අපහසුවක්ද ඇති බව විදෙස් පුවත් සේවා පෙන්වා දෙයි. මේ හේතුවෙන් ඔහු අධිකරණයට පැමිණියේද නීතිඥයන් දෙදෙනකුගේ වාරුවෙනි.