ඉන්දියාවේ බිහාර් ප්‍රාන්තයේ අගනුවර වන පට්නාහි ආගමික උත්සවයක දී පිරිසක් කලබලයට පත්ව දිවයාමෙන් 32ක් මියගොස් ඇතැයි ඉන්දීය මාධ්‍ය වාර්තා කරයි.

මියගිය වැඩිපිරිසක් දරුවන් හා ගැහැනුන්ය. කලබලයට හේතුව නිශ්චිත නැතත් විදුලි කම්බියක් කඩා වැටෙන බවට පැතිරගිය කටකතාවක් ඊට හේතු වී ඇතැයි සැකයක් පවතී. මෙවැනි මරණ සිදුවන කලබලකාරී තත්ත්ව හින්දු ආගමික උත්සව වලදී බහුලව වාර්තාවෙයි. සීමිත ඉඩක අතිවිශාල පිරිසක් රැස්වීම ඊට හේතුවී ඇත. පසුගිය වර්ෂයේ (2013) ඔක්තෝබර් මාසයේ දී ද මෙවැනිම ආගමික උත්සවයක දී වන්දනාකරුවන් 91 දෙනකු මියගියහ.