කෝටිපතිනියක වුවත් තම මුල්ම රැකියාව වූ නගර පිරිසිදුකරන්නියකගේ තනතුරේ තවමත් රාජකාරි කරන කාන්තාවක්  චීනයේ සිටී.

යු හුස්හෙන් නම් වන මෙම කාන්තාවගේ වයස අවුරුදු 54 කි.සාර්ථක දේපළ වෙළදාම් සමාගමක් ඇය සතුවන අතර එයින් ලැඛෙන මුදල නගරයේ කුණු එකතු කරමින් දුක් නොවිඳ අධි සුඛෝපබෝගී ජීවිතයක් ගත කිරීමට ඇයට හොදටම ප්‍රමාණවත්ය.

නමුත් එවැන්නකට ඇය සූදානම් නැත.තමන් කෝටිපතිනියක වූවේ එක් රැයකින් නොවන බව පවසන ඇය එවන් තත්ත්වයකට පැමිණීමට තමන් දැඩි සේ වෙහෙසවූ බව කියන්නීය.

‘මට දැන් සල්ලි තියෙනවා තමයි.ඒත් මම කැමති නැහැ අනෙක් අයට පේන්න එක එක වැඩ කරන්න.ඒකයි මම මගේ පරණ රස්සාවේ තවමත් නිරත වන්නේ.අනෙක සල්ලි තියෙන නිසා මම ගෙදරට වෙලා කකා බිබිී හිටියොත් මගේ දරුවන් මගෙන් දකින්නේ මොකද්ද?.ඔවුන් සිතයි සල්ලි තියෙන්නේ වියදම් කරලා විනෝද වෙන්න විතරයි කියලා.ඒනිසා මම තීරණය කළා මගේ පළමු රස්සාවේම දිගටම නිරත වන්න.මට වුවමනා මම ආදර්ශයට ගෙන මගේ දරුවන් හැදෙනවා දකින්න.සල්ලි කියන්නේ මහන්සි වෙලා උපයාගන්න වුවමනා දෙයක් බව පෙන්වා දෙන්න‘ ඇය පවසන්නීය.

ඇය සැමදා පාන්දර 3 ට අවදිවන්නීය.සතියට දින 6 ක් රැකියාවේ නිරත වන්නීය.

දැනට අවුරුදු 14 ක් පිරිසිදුකරන්නියක ලෙස සේවයේ නිරත වන යු කිසිදිනෙකවත් ප්‍රමාද වී සේවයට වාර්තා කර නැතැයි ඇයගේ ප්‍රධානියා පවසන්නේය.මෙම මුලූ කාලයටම ඇය ගෙන ඇත්තේ නිවාඩු දින 3 ක් පමණක් යැයිද ඔහු කියන්නේය.

ඇයගේ දරුවන්ද රැකියාවල නිරත වන්නන් වේ.ඇයගේ එක් පුතෙකු ලොතරැයි අලෙවි කරන්නෙකු ලෙස රැකියාවේ නිරතව සිට ඇතැයිද සදහන්ය.