ඇමරිකා එක්සත් ජනපදයේ නිවසක් නොමැති ජනයාගේ සංඛ්‍යාව මේ වසර අවසානයේ දි ලක්ෂ පහ ඉක්මවන බව ඒ පිලිබඳව නිකුත් වු වාර්තාවක් උපුටා දක්වමින්  රොයිටර් පුවත් සේවය පවසයි.

එම වාර්තාව නිකුත්කර ඇත්තේ ඇමරිකා එක්සත් ජනපදයේ නිවාස සහ නාගරික දෙපාර්තමේන්තුව විසිනි. ඔවුන් පවසන්නේ 2014 වසර හා සසඳන කළ මෙම සංඛ්‍යාව තරමක් අඩුවී ඇති බවයි. නිවාස නොමැතිවිමට හේතුව ලෙස එහි පෙන්වා දී ඇත්තේ එක්සත් ජනපදයේ බොහෝ නගරයන්හි පිරිමැසුම් දායක ආර්ථික තත්වයට මුහුණපෑම, අඩු ආදායම් ලාභීන්ගේ වැටුප් හෝ වේතන පහත වැටීම හෝ ඒවා ඉහළ නොයාම සහ අයවැය මගින් සමාජීය සුභසාධක වැඩසටහන්වලට යොදවන මුදල් වැළැක්වීමයි.

ලොස් ඇන්ජලිස්, සීට්ල්,පෝර්ට්ලන්ඩ්,ඔරිගන් සහ හවායි යන නගරයන් හි නිවාස නැතිකම ඉහළ යාම සම්බන්ධයෙන් හදිසි තත්වයක් ද ප්‍රකාශයට පත් කර තිබේ.

ජාතික ඇස්තමේන්තු තිබියදීත් නිවාස නැත්තවුන්ගෙන් වැඩිම සංඛ්‍යාවක් ඇත්තේ නිව්යෝක් නගරයේ බව නිවාස නැත්තවුන්ගේ ඒකාබද්ධ මණ්ඩලයේ  නීති සහායක කණ්ඩායම් ප්‍ර‍කාශක ජිසිලි රෑතර් පවසයි.

ඇමරිකා එක්සත් ජනපදයේ නිවාස සහ  නාගරික දෙපාර්තමේන්තුවේ වාර්තාවට අනුව ඔවුන් විසින් කරණ ලද සමීක්ෂණයකින් සොයාගෙන තිබෙන්නේ  ආසන්න වශයෙන් 565,000 ක් දෙනා වීථි වල මෝටර් රථවල හෝ  තාවකාලික නවාතැන් සපයන ස්ථානයන්හි  ජීවත් වන බවයි. මෙයින් ආසන්න වශයෙන් හතරෙන් එකක් වයස අවුරුදු 18 හෝ ඊට අඩු වයසේ පසුවන්නන්ය.

කෙසේ වෙතත් ඇමරිකා එක්සත් ජනපදයේ නිවාස නොමැති සංඛ්‍යාව මීට වඩා වැඩි විය හැකි බව පැවසෙන්නේ තම මිතුරන්ගේ සයනයන්හි හෝ තම ඥාතීන්ගේ ගොඩනැගිලිවල පොළොව යට ඇති තට්ටුවේ රාත්‍රිය ගත කරණ බොහෝ මිනිසුන් මෙම සංගනණයට අයත් නොවි තිබීම හේතුවෙනි.

වොෂින්ටන්හි නිවාස නැත්තවුන්ගේ සංඛ්‍යාව නැති කිරීමේ ජාතික සංධානයේ සභාපති නැන් රෝමන් පවසන්නේ අඩු ආදායම් ලාභීන්ට අවශ්‍ය නිවාස ඒකක සංඛ්‍යාව සපුරාලීමට දැනට නිවාස ඒකක මිලියන 7 ක් අවශ්‍ය බවයි.