ඇමෙරිකා ප්‍රහාරක ජෙට් යානා දෙකක් පැසිපික් සාගරයට කඩා වැටී ඇතැයි විදෙස් මාධ්‍ය වාර්තා කරයි. මෙලෙස කඩා වැටී ඇත්තේ ඇමෙරිකාවේ එයා වින්ග් 17 බල ඇණියට අයත් එෆ්.ඒ. 18 වර්ගයේ යානා දෙකකි.

පැසිෆික් සාගරයේ බටහිර ප්‍රදේශයේ තිබූ යූ.එස්.එස්.කාර්ල් වින්සන් නමැති නෞකාවෙන් මේ යානා ගුවන්ගත වූ බව ද පවසයි.

ඇමෙරිකා ආරක්ෂක අංශ පවසන්නේ එක් නියමුවකු දිවි බේරාගෙන ඇති බවයි. යානා ගුවන්ගත වූ නෞකාවට ඔහු ගෙනවිත් දැන් ප්‍රතිකාර ලබාදෙමින් පවතින බවත් අනෙක් ගුවන් නියමුවා හා අනතුරට පත්වූ යානා දෙකෙහි කොටස් සොයා පරීක්ෂණ දියත්කැර ඇති බවත් මාධ්‍ය වාර්තා පවසයි.