අඟහරු වෙත යාමේ අභ්‍යාවකාශ ගමන සඳහා අජඨාකාශගාමීන් බඳවා ගැනීමට ඇමරිකානු අභ්‍යාවකාශ ඒජන්සිය (නාසා) තීරණය කර ඇතැයි  බීබීසි පුවත් සේවය වාර්තා කරයි.

නාසා හි පරිපාලක චාර්ල්ස් බෝල්ඩන් පවසන්නේ අඟහරු මතට ළඟාවීමේ නව පිම්මක් වෙනුවෙන් පෙළඹවීම කරණ බවයි. අඟහරුමත පා සටහන තැබීමේ ඇමරිකානු ඉලක්කය සපුරා ගැනීමටද මෙම පිරිස සහාය කර ගැනීමට බලාපොරොත්තු වන බව බෝල්ඩන් පවසයි.

මේ අවස්ථාව සදහා ඉල්ලුම් කිරීමට ඇමරිකානු පුරවැසියෙක් වීම අත්‍යාවශ්‍ය වේ. එමෙන්ම ඉල්ලුම්කරු පෙනුමෙන් දැකුම්කළු, ක්‍රියාශීලි සහ හසළ දැනුමෙන් යුත් අයෙක් විය යුතුය. නාසා ආයතනය මේ සඳහා ගුවන් නියමුවන්ගෙන්, ඉංජිනේරුවන්ගෙන්, විද්‍යාඥයින්ගෙන් සහ වෛද්‍යවරුන්ගෙන් ඉල්ලුම් පත් අපේක්ෂා  කෙරේ.

ඉහත කරුණු වලින් පරිපූර්ණ වුවහොත් නාසා ආයතනය මගින් පවත්වනු ලබන දීර්ඝකාලීන අභ්‍යාවකාශ යානා පිලිබඳ භෞතික පරික්ෂණයෙන් එම තැනැත්තා සමත් විය යුතුය.

මෙම සියලු කරුණු වලින් සමන්විත අයදුම් කරුවන් සුළු පිරිස  පසුව ෆ්ලොරිඩා හි ඇති රොකට් හෝ අභ්‍යාවකාශ යානාවන් ඉහළට  යවනු ලබන ස්ථානයට ගොස්  ගැඹුරු අභ්‍යාවකාශ ගවේෂණ දුත මෙහෙවරට පුහුණුව ලැබිය යුතුය.

නාසා හි හූස්ටන් හි පිහිටි  ජොන්සන් අභ්‍යාවකාශ මධ්‍යස්ථානයේ බ්‍රියන් කෙලී පවසන්නේ මෙය ඇමරිකාවේ මානව අභ්‍යාවකාශ යානා වැඩසටහනේ  උද්දීපනය දනවන අවස්ථාවක් බවයි.

නාසා ඉතිහාසය තුල මෙතෙක් තම අභ්‍යාවකාශ ගමන් මෙහෙවර සඳහා අභ්‍යාවකාශ ගාමින් 300 ක් පමණක්  තෝරාගෙන ඇත.