ඇඳුමක් නිවසටම රැගෙන ගොස් හැඩ බලා ආපසු පැමිණ මුදල් ගෙවීමට හෝ ඇදුම ගැන මනාපයක් නොමැති නම් එය යළි භාරදීමට හෝ අවස්ථාව සළසා දී තිබෙන අපූරු ඇගලූම් වෙළදසැලක් ගැන වාර්තා වන්නේ ජපානයෙනි.

‘ගු‘ නම් වන මේ වෙළදසළ ජපානයේ කාන්තාවන් අතර ප්‍රකටය.එහි අතේ ඇති ගාණට හිතේ හැටියට මිලදී ගත හැකි ඇගලූම් බොහෝ ඇති බව සදහන්ය.

වෙළදසලේ පාලනාධිකාරිය තව තවත් පාරිභෝගිකයින් වැඩියෙන් ඇද ගැනීමේ අරමුණ ඇතිව මෙම වැඩසටහන කි්‍රයාත්මක කර ඇත.ඒ අනුව එක් දිනකදී වෙළසලට පැමිණෙන කාන්තාවන් 30 දෙනෙකුට තමන් කැමති ඇදුම් 3 ක් මුදල් නොගෙවාම රැගෙන යා හැකිය.ඒවා සුදුසු යැයි හැගේ නම් මුදල් ගෙවීමටත් නුසුදුසු යැයි හැගේ නම් යළි භාරදීමටත් ඔවුන්ට දින 3 ක කාලයක් ලබා දේ.

ඇදුම් රැගෙන යාමට ප්‍රථමයෙන් අත්පිට මුදලක් හෝ හැදුනුම්පත් අංකය, ක්‍රෙඩිට් කාඩ් අංකය වැනි කිසිදු දෙයක් ඔවුන්ගෙන් ලබා නොගැනීමද විශේෂත්වයකි.දින 3 ක් ඇතුළතදී යළි පැමිණෙන්නැයි ඇදුම් රැගෙන යන කාන්තාවන්ට උපදෙස් දීම පමණක් සිදුවේ.

මෙය ඇදුම් සොරාගැනීමට කාන්තාවන් පොළඹවන්නක් යැයි ඇතැමුන් කීවත් වෙළදසැලේ පාලනාධිකාරිය පවසන්නේ මේ දක්වා ඇදුම් රැගෙන ගිය එකදු කාන්තාවක හෝ වංචාවක් සිදුකර නොමැති බවයි.ඔවුන් තමන්ට සැළසී ඇති වාසිය දන්නා හෙයින් එය අහිමි කර ගැනීමට කටයුතු නොකරනු ඇතැයි තමන් විශ්වාස කරන බව ඔවුන් කියයි.

වෙළදසැලේ තවත් ශාඛා චීනයේ හා තායිවානයේ පිහිටා තිඛෙන අතර මෙම වැඩසටහන ඒවායේත් ආරම්භ කිරීමට සැළසුම් කර තිබේ.