අලි රැක බලා ගැනීමට තම ජීවිතයම කැප කරන එංගලන්ත තරුණියකි . රැචියල් මර්ටන් (33)  නම් ඇය ජීව විද්‍යා උපාධිධාරිනියකි.

අවුරුදු 2, 3ක් වන ඇත් පැටවුන් 6 දෙනෙකුට මවක් වී ඇති රැචියල් දකුණු අපි‍්‍රකාවේ එකම අලි බාලාංශ අනාථාගාරය පවත්වාගෙන යයි. එසේම ඇත් පැටවුන් පවා ඇයට බෙහෙවින් ආදරය දක්වන බව පෙනේ.

තුවාල වු අලින්ට ප‍්‍රතිකාර කිරීම, අලින්ට උපරිම ආරක්ෂාව, අවශ්‍ය ආහාර පාන සැපයීම පමණක් නොව කටු චිකිත්සාවෙන් අලින්ගේ රෝග සුව කිරීමද මෙහිදී ඇය අතින් සිදු වේ. එසේම ඇය පැය 24ම සතුන්ගේ ආරක්ෂාව ගැන අවධානයෙන් සිටින බවද පැවසේ.

උපාධිය නිමවූ පසු ලොව වටා සතුන් ආරක්ෂා කිරීමේ ව්‍යාපෘතියකට සම්බන්ධ වූ ඇය 2008 දී සැම්බියා රාජ්‍යයට පැමිණියාය.

ඇත් දළ ගැනීමට සැම්බියාවේ අලි විශාල සංඛ්‍යාවක් දඩයම් කරන බව දැන ගත් ඇය එතැන් පටන අලි රැක බලා ගැනීමට එහි නතර විය. මේ දක්වා එම අරමුණ ඉටු කර ගැනීමට ඇය මහත් වෙහෙසක් දරණුයේ සතුටිනි. පවුලේ අය පවා අමතක කෙරුවේ තමා සතුන්ට ඇති ආදරය නිසා බව ඇය පැවසීය.

අන්තර්ජාතික සත්ව සුබසාධන අරමුදල සමග එක්ව සැම්බියාවේ අලි ඇතුන් ආරක්ෂා කිරීමේ ව්‍යාපෘති රැසක් කිරීමටද ඇය බලාපොරොත්තුවෙන් සිටියි.