2025 ජුලි මස 12 වන සෙනසුරාදා
2025 ජුලි මස 12 වන සෙනසුරාදා
අඟහරු මත සිටින කියුරියෝසිටි රොබෝරෝවරය මේ දිනවල ගවේෂණය කරන ගේල් ආවාටය අතීතයේ ජලයෙන් පිරී තිබුණු විලක් බව නිශ්චිතවම තහවුරු කරන සාක්කි හමුවී ඇතැයි නාසා විද්‍යාඥයෝ කියති.
කියුරියෝසිටි රොබෝ රෝවරයෙන් ලැබුණු ඡායාරූප හා වෙනත් දත්තයන් විශ්ලේෂණය කර ඇති ඔවුන් පවසන්නේ ජල පහරක් ගලන විට එය ඉතිරි කර යන ඛනිජ ලවණ වැනි සංඝටකයන් ගේල් ආවාටයේ තැන්පත්ව ඝණවී තිබෙනු ඉන් හඳුනාගත හැකිවූ බවයි.
ඒ අනුව අඟහරු මත ජලය තිබුණු බව දැන් නිශ්චිතවම ප්‍රකාශ කළ හැකි බව ඔවුහු කියති.
ගේල් ආවාටය යාබදව පිහිටන කඳු තීරයක් වැනි භූමිය අතීතයේ තිබී ඇත්තේ ජලයෙන් යටව බවද පැවසේ.එම කඳු තීරයේ වඩා උස් ප්‍රදේශවල සිට ජලය ගේල් ආවාටය වෙත ගලාවිත් එක්රැස් වන්නට ඇතැයි විද්‍යාඥයින්ගේ අදහසයි.
ලැබී තිබෙන තොරතුරු වලට අනුව වසරේ එක් කාලයක අඟහරු මත ජලාශ හා විල් පැවති උණුසුම් කාලගුණයක්ද, අනෙක් කාලයේ එම ජලාශ ඝණවී අයිස්වන සිසිල් කාලගුණයක්ද පැවත තිබේ.මෙය විද්‍යාඥයින් මුලින් සිතාසිටියාට වඩා වෙනස් තත්ත්වයක් බව සඳහන්ය.
මුල්ම මතයවී තිබුණේ අඟහරු මත සම්පූර්ණ සිසිල් කාලගුණයක් පවතින්නට ඇතය යන්නය.ජලය තිබෙන්නට ඇත්තේ අයිස් ලෙස යැයි ඉන් පැවසුණි.
නමුත් මේ නව සොයාගැනීම හමුවේ එම අදහස වෙනස් කරගැනීමටත්, අඟහරු වලට ගැලපෙන කාලගුණ ආකෘතියක් නිර්මානය කිරීමටත් සිදුවන බව විද්‍යාඥයෝ පවසති.
ජලය ද්‍රව ස්වරූපයෙන් පැවතුනු බවට මෙසේ ප්‍රබල සාක්ෂි හමුව තිබීමත් සමග අඟහරු මත ජීවය තිබී ඇතැයි යන මතය නැවත වරක් කරළියට පැමිණ තිබේ.ජලය ද්‍රව ලෙස පැවතුනේ නම් ජීවයක් පැවතීමට ඉහළ සම්භාවිතාවක් තිබෙන බව විද්‍යාඥයෝද පිළිගනිති.මේ සම්බන්ධව පර්යේෂණ කටයුතු ඉදිරියේදී සිදුකෙරෙණු ඇත.
මේ තොරතුරු අඟහරු ජයගැනීමට නාසා ආයතනය දියත් කර තිබෙන වැඩසටහනේ ඉදිරි කටයුතු වෙනුවෙන් යොදාගැනීමට යන බව සදහන්ය.
2025 ජුලි මස 04
336
0
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
2025 ජුලි මස 01
866
1
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
2025 ජුනි මස 26
1282
0
එදා මෙදාතුර ශ්රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
රතු තරුවේ විලක් තිබිලා
රොකී Sunday, 14 December 2014 03:42 PM
ඕක ඉස්සර නෙලුම් පොකුණක්! (බ)
ධනුෂ්ක Wednesday, 17 December 2014 02:29 AM
අනේ හැබෑට මෙහෙමත් දේවල්? (නි)
උදය Wednesday, 10 December 2014 11:49 AM
මෙය විශ්වාස කළ හැකිද?. (ස)
හරීන්ද්‍ර Wednesday, 10 December 2014 11:54 AM
ළඟදීම කවුරු හරි පදිංචි වෙයි වගේ. (ර)
පැතුම් Wednesday, 17 December 2014 02:02 PM
විලේ ගෙම්බොත් හිටියලු (නදී)
හංසි Thursday, 11 December 2014 02:27 AM
ඇයි උදය විශ්වාස කරන්න බැරි? මම කියවලා තිබෙනවා රාවණා අඟහරු එක්ක සම්බන්ධකම් තිබුණා කියලා (නි)
ජනිත් Wednesday, 17 December 2014 08:19 AM
විලක් තිබ්බා කියලා සාධක තිබ්බට ඒ විලේ වතුර තිබ්බා කියලා සාධක තියෙනවාද?(හේ)
අවාන් Friday, 12 December 2014 09:47 AM
විස්වාස කරනවානම් විස්වාස කරන්න. නැත්නම් නිකන් ඉන්න. (ර)
කෝරලේ Friday, 12 December 2014 04:16 AM
ජලය තිබේ නම් කුඩා පෑළෑටියක්වත් තිබෙන්න ඕනෑ. (නි)
සිල්වා Wednesday, 10 December 2014 05:08 PM
ඒගොල්ලෝ කියනවා අපි අහනවා කවුද දන්නේ මේවා ඇත්තද බොරුද කියල. ගිහින් බලන්ද ? (ස)
ශාන් Thursday, 11 December 2014 05:03 AM
දේශපාලකයෝ විතරක් ඔහෙට යවන්න එපා . (ම)
දන් Friday, 12 December 2014 11:53 AM
කෝරලේ, "අතීතයේ ජලයෙන් පිරී තිබුණු විලක් බව" ලොමෙන්ට් කරන්න කලින් හොඳට කියවන්න. ජලය තිබුනා වගේ අතීතයේ පැළෑටිත් තියෙන්න ඇති. (ර)
රජිත Friday, 12 December 2014 06:01 AM
විශ්වාස කරන්න නම් අමාරුයි.එහෙත් ඇත්ත වෙන්න ඇති. (නි)