පෘථිවිය මත ජීවය මහා විනාශයකට මුහුණ පා ඇතැයි ඇමෙරිකාවේ විශ්වවිද්‍යාල තුනක් මගින් කරන ලද අධ්‍යයනයක දී හෙලිදරව් වී ඇත. මෙහි වැඩිම අවධානයකට පත්ව ඇත්තේ කොඳුඇට පෙළක් සහිත සතුන් හෙවත් පෘෂ්ඨවංශී සතුන්ය.

ඇමෙරිකාවේ ස්ටැන්ෆෝර්ඩ්, ප්‍රින්ස්ටන් සහ බර්කිලේ යන විශ්වවිද්‍යාල මේ අධ්‍යයනය සිදුකරන ලදී. ඔවුන් පෙන්වාදෙන්නේ පෘථිවිය මත ජීවීන් වඳවීයාමේ හයවැනි අවස්ථාව සිදුවෙමින් පවතින බවයි.

මෙලෙස වඳවීමක් සිදුවූ අවසන් අවස්ථාව වසර ලක්ෂ 650ට පෙර සිදුවූ බවත් එකළ මිහිතලයේ සිටි ඩයිනෝසරයන් වඳවී ගිය බවත් විද්‍යාඥයෝ කියති. විශාල උල්කාවක් පෘතිවියේ ගැටීමෙන් ඒ විනාශය සිදුවූ බව නූතන පිළිගැනීමයි.

විද්‍යාඥයන් පවසන්නේ දැන් සිදුවෙමින් පවතින වඳවීම සිදුවුවහොත් යළි ජීවය අද පවතින තත්ත්වයට පත්වීම සඳහා වසර ලක්ෂ 10,000ක් පමණ ගතවනු ඇති බවයි.