සාගර පතුලේ  ලෝහ නිධි සොයා පතල් කැණීම නුදුරේදීම ආරම්භ වන ලකුණු පෙනේ.

විද්‍යාඥයන් විසින් අනාවරණය කරගෙන ඇති පරිදි ටොන් ගණනක ලෝහයන් අන්තර්ගත නිධි විශාල සංඛ්‍යාවක් සාගර පතුලේ තිබේ. මේවා කැණීමට බොහෝ රටවල් සිටින්නේ නොඉවසිල්ලෙනි.එහෙත් මේ සොයාගැනීම සිදුකළ විගස කි්‍රයාත්මක වූ එක්සත් ජාතීන්ගේ සංවිධානය කැණීම් කටයුතු රටවල් අතර ඛෙදා දීමේ බලතල හිමිකර ගැනීමට කටයුතු කිරීම නිසා කැණිීම් කටයුතු සිදුකළ යුතු වන්නේ එක්සත් ජාතීන්ගේ සංවිධානයේ අධීක්ෂණය යටතේ බවද සදහන්ය.මෙවන් පියවරක් ගැනීමට එක්සත් ජාතීන්ගේ සංවිධානය කටයුතු කර ඇත්තේ පමණ ඉක්මවා සිදුකෙරෙන කැණිීම් වලින් සාගර පරිසරයට සිදුවිය හැකි හානි වැළැක්වීමටය.

දැන් මුහුදු පතුලේ කැණීීම් සිදුකිරීමට අවශ්‍ය තාක්ෂණයත් උපකරණත් ඇති නිසා 2016 වසර වන විටදී

කැණීම් කටයුතු සදහා බලපත්‍ර නිකුත් කිරීම ආරම්භ කරන බව එක්සත් ජාතීන්ගේ සංවිධානය නිවේදනය කර සිටී. පළමු අදියරේදී බලපත්‍ර 17 ක් නිකුත් කිරීමට නියමිතය.

කෙසේ නමුත් එක්සත් ජාතීන්ගේ සංවිධානය විසින්ම ඉදිරිපත් කර ඇති වාරතාවක දැක්වෙන පරිදි නියමිත ක්‍රමෝපායන් අනුගමනය කරමින් කැනීම් කටයුතු සිදුකළත් සාගර පරිසරයට සිදුවන හානිය සුලූපටු නොවේ. විශේෂයෙන් සාගර පත්ලේ ජීවත් වන සතුන්ගේ පැවැත්මට මේ කැණීම් කටයුතු තර්ජනයක් වනු ඇති බවත් එම වාර්තාවේ සදහන්ය.

එසේ වුවද සාගර පරිසරය සුරැකීමේ වැදගත්කමත් සාගර ජීවීන්ටද ජීවත් වීමේ අයිතියක් ඇති බවත් බොහෝ දෙනාට අමතක වී ඇති ගානය. පරීක්ෂණ වලින් අනාවරණයව ඇති පරිදි සාගර පතුලේ නිධි වල පවතින්නේ යැයි හෙළිව ඇති ටොන් ලක්ෂ ගණන් වල නිකල්, තඹ, මැංගනීස්, කොබෝල්ට් ආදී ලෝහයගෙන් ලබාගත හැකි ලාභ ප්‍රයෝජන හමුවේ එසේ අමතක වීමද එක් අතකට පුදුමයක් නොවේ.