අත්අඩංගුවේ සිටින පලස්තීන සිරකරුවන් 26 දෙනකු මුදා   හැරීමට තමන් සූදානම් බව ඊශ‍්‍රායල රජය ඊයේ (12) නිවේදනය කළේය.
ඊශ‍්‍රායල රජය එම තීරණය ගත්තේ ඊශ‍්‍රායල පලස්තීන සාම කතා ආරම්භ වීමට නියමිතව ඇති නිසාය.
නිදහස් කිරීමට බලාපොරොත්තු වන එම දේශපාලන සිරකරුවන් 26 දෙනාගේ නම් ලැයිස්තුව ද මේ වනවිට ප‍්‍රසිද්ධියට පත් කර ඇත.
ඊශ‍්‍රායල පලස්තීන මැදපෙරදිග සාම කතා ආරම්භ වන්නේ ඇමෙරිකාවේ මැදිහත් වීමෙනි. ඒ සඳහා පිඹුරුපත් සකස් කෙරුණේ මීට මාසයකට පමණ පෙරදීය.
සාකච්ඡා සඳහා මැදහත්කරු ලෙස කි‍්‍රයා කරන්නේ ඇමෙරිකානු රාජ්‍ය ලේකම් ජෝන් කෙරීය.
පලස්තීන සිරකරුවන් නිදහස් කිරීමට ඊශ‍්‍රායල රජය තීරණය කළේ එරට ආරක්ෂක ඇමැති යේලෝන් සහ ආරක්ෂක අංශ ප‍්‍රධානීන් අතර දීර්ග වශයෙන් පැවැති සාකච්ඡාකින් පසුවය.