IMG-LOGO

2025 ජුලි මස 01 වන අඟහරුවාදා


ප‍්‍රංශ පොලිසිය තුලූස් ඝාතකයා කොටුකර ගනී

ප‍්‍රංශයේ තුලූස් නුවර හමුදා සෙබළුන් සිවුදෙනකුත් යුදෙවු ආගමික ගුරුවරයකු සහ ඔහුගේ දරුවන් තිදෙනාත් වෙඩි තමා මරා දැමූ ඝාතකයා, කොටුකර ගැනීමට පොලිසිය පෙරේදා (21) සමත්විය. ඔහු මොහොමඞ් මෙරාහ් නමැති 23 හැවිරිදි මුස්ලිම් ජාතිකයකු බවත්, 2008 වසරේදී ඇෆ්ගන් බන්ධනාගාරයකින් පැනගොස් ප‍්‍රංශයට පැමිණි අයකු බවත් පොලිසිය පවසයි. ඔහු ප‍්‍රංශ හමුදා සෙබළුන් ඝාතනය කළේ මීට සතියකට පමණ පෙරය. එම අවස්ථාවේදී පොලිසියට ඔහු අල්ලා ගැනීමට නොහැකි විය. යතුරු පැදියකින් පැමිණි ඔහු, යුදෙවු ආගමික ගුරුවරයා ඔහුගේ පුතුන් දෙදෙනා සහ සිඟිති දියණිය වෙඩි තබා ඝාතනය කළේ ඉකුත් සඳුදා (19) ය. තමා අල් කයිඩා සාමාජිකයකු බවත් ප‍්‍රංශය දණ ගැස්සීමට තමන් සමත් වූ බවත් එම වෙඩි තැබීමෙන් පසු අන්තර්ජාලය හරහා ප‍්‍රකාශයක් කරමින් මෙරාහ් කියා සිටියේය. එම වෙඩි තැබීමෙන් කම්පනයට පත් ප‍්‍රංශ ජනපති නිකලස් සාර්කෝසි, ප‍්‍රංශ ආරක්ෂක සහ බුද්ධි අංශ අමතමින් කියා සිටියේ ඝාතකයා වහා අල්ලා ගැනීමට කටයුතු කරන ලෙසය. ඒ අනුව පුළුල් පොලිස් පරීක්ෂණ කඩිනමින් ආරම්භ විය. මෙරාහ්, පදිංචි ස්ථානය සොයා වැටලීමට පොලිසියට හැකි වූයේ මෙරාහ්ගේ සොහොයුරාගේ පරිගණකයේ ඇති දත්ත පරීක්ෂා කිරීමෙනි. මෙරාහ්, තුලූස් නගරයේ මහල් පහකින් සමන්විත මහල් නිවාසයක පළමු වැනි මහලේ කාමරයක පදිංචිව සිටින බව දැනගත් පොලිසිය, ත‍්‍රස්ත මර්දන බලඇණියක් යොදවා මහල් නිවාසය වැටලූවේ පෙරේදා සැන්දෑවේය. මාධ්‍ය වාර්තා කළේ එම මෙහෙයුමට පොලිස් නිලධාරීන් 300 දෙනකු සම්බන්ධ වූ බවය. පොලිස් වැටලීමේදී යටත්වීම ප‍්‍රතික්ෂේප කළ මෙරාහ්, ත‍්‍රස්ත මර්දන පොලිස් නිධාරීන්ට වෙඩි තබා අත් බෝම්බවලින් පහර දුන්නේය. එහිදී පිපිරීම් තුනක් සිදු වූ බවත් පොලිස් නිලධාරීන් දෙදෙනකු තුවාල ලැබූ බවත් පුවත් සේවා වාර්තා කරයි. මෙරාහ් සහ පොලිස් නිලධාරීන් අතර පැය කිහිපයක් තිස්සේ දරුණු වෙඩි හුවමාරුවක් ද සිදුවිය. අවසානයේ මෙරාහ් දිවි නසා ගත් බව වාර්තා විය. මෙරාහ් පවසා ඇත්තේ ඊශ‍්‍රායලය පලස්තීන  යට එල්ල කරන ප‍්‍රහාරවලට විරෝධය පළ කිරීමක් වශයෙන් තමා යුදෙවු පාසල ඉදිරිපිටදී යුදෙව්වන්ට වෙඩි තැබූ බවය. ඔහු ප‍්‍රංශ සෙබළු ඝාතනය කර ඇත්තේ ප‍්‍රංශ රජය ඇෆ්ගන් යුද්ධයට සම්බන්ධ වීම ගැන විරෝධය දැක්වීමටය. ඝාතනයට ලක්වූ යුදෙවු ගුරුවරයා (වමේ) සහ දරු තිදෙනා.  යුදෙවු ගුරුවරයාගේ බිරියද මෙහි සිටී මොහොමඞ් මෙරාහ්



අදහස් (0)

ප‍්‍රංශ පොලිසිය තුලූස් ඝාතකයා කොටුකර ගනී

ඔබේ අදහස් එවන්න

 

 
 

මේවාටත් කැමතිවනු ඇති

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 5 0
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 591 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි. 2025 ජුනි මස 25 124 0
ශ‍්‍රී ලංකා ඉන්ෂුවරන්ස් ‘ඉහළම ජනාදරයට පත් ජීවිත රක්ෂණ සන්නාමය‘ ලෙස පිදුම් ලබයි.

xඅඛණ්ඩව 8වන වරටත් ‘ඉහළම ජනාදරයට පත් ජීවිත රක්ෂණ සන්නාමය‘ ශ‍්‍රී ලංකා ඉන්ෂුවරන්ස් ලයිෆ් (SLICLL) නැවත වරක් මෙරට ඉහලම ජනාදරයට පත් ජීවිත රක්ෂණ සන්නාමය ලෙස LMD හි

Our Group Site