ඉන්දියාවේ 13 වැනි ජනාධිපතිවරයා ලෙස ප්රනාබ් මුඛර්ජි අද (25) දිවුරුම් දීමට නියමිතය. කොංග්රස් පක්ෂයේ ජ්යේෂ්ඨ ඇමැතිවරයකු මෙන්ම ඉන්දියාවේ කෘතහස්ත දේශපාලනඥයකු ද වන 76 හැවිරිදි මුඛර්ජි පාලක කොංග්රස් පක්ෂයේ හිටපු මුදල් ඇමැතිවරයාය. මුඛර්ජි ජනපති ධුරයට පත් වූයේ පසුගිය 19 වැනිදා පැවැති ජනාධිපති තේරීමේ ඡුන්ද විමසුමෙන් සියයට 70කට ආසන්න වැඩි ඡුන්ද ප්රතිශතයක් දිනා ගැනීමත් සමඟය. මීළඟ වසර පහක කාලය පුරා ඔහු ජනපති ධුරයේ කටයුතු කරනු ඇත. පාර්ලිමේන්තු ප්රධාන ශාලාවේදී ඉන්දීය වේලාවෙන් පෙරවරු 11.30ට ප්රනාබ් මුඛර්ජි මහතා ජනපති ධූරයේ දිවුරුම්දීමට නියමිත බව එරට රජයේ ප්රකාශකයෙක් පැවැසීය. ඉන්දියාවට නව ජනාධිපතිවරයෙක් පත් වූයේ හිටපු ජනාධිපතිනිය ප්රතිභා පාටෙල්ගේ නිල කාලය ඊයේ (24) අවසන් වීමත් සමඟය. ඉන්දියාවේ ජනපති ධුරයට පත් ප්රථම කාන්තාව ඇයයි. ඇය එම ධුරයට පත්වුණේ 2007 වසරේදීය. ඉන්දියාවේ ආණ්ඩුක්රම ව්යවස්ථාව යටතේ එරට ජනාධිපතිවරයා නාමික රාජ්ය පාලකයකු වන අතර ඔහුට වඩා බලතල හිමි වන්නේ අගමැතිවරයාටය.
ශ්රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර
ශ්රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික
එදා මෙදාතුර ශ්රී ලාංකීය දේපල වෙළදාම් ක්ෂේත්රයේ දැවැන්තම සහ අති සුඛෝපභෝගී නිවාස සංකීර්ණ ව්යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම
ප්රනාබ් මුඛර්ජි ඉන්දියාවේ 13 වැනි ජනපති ලෙස අද දිවුරුම් දෙයි
මදූ Wednesday, 25 July 2012 12:40 PM
ඉන්දියාවේ දේශපාලනය හරි නිහතමානී ,බුද්ධිමත් , එයාලා බලයට කුලල්කා ගන්නේ නෑ .බොහෝ දේ ගොඩක් සාධාරණයි...(ස)
අමිල Wednesday, 25 July 2012 07:13 PM
දහතුන නේද? (නි)
මධු Wednesday, 25 July 2012 09:24 PM
මෙහෙම දේශපාලකයන් සිටින තුරු රටට වාසනාවන්! (නි)
දිසා Thursday, 26 July 2012 01:12 AM
අනේ, ඒ කියන්නේ තවත් කෙනෙක් විශ්රාම ගත්තා කියන එකනේ. (නි)