2015 වසර වන විට ‘‘පියාඹන‘‘ මෝටර් රථයක් වෙළදපොළට නිකුත් කිරීමට ඇමරිකාවේ ටෙරාෆියුජියා නම් මෝටර් රථ නිශ්පාදන සමාගමක් සැළැසුම් කර ඇතැයි වාර්තා වේ.

ටී-එෆ් එක්ස් නම් වන මේ පියාඹන මෝටර් රථය වචනයේ අර්ථයෙන්ම පියාසර කිරීමේ හැකියාවෙන්ද යුක්තය. මෙය ප‍්‍රයෝජනවත් වනු ඇත්තේ අධික රථ වාහන තදබදයකට සිරවී සිටින අවස්ථාවකදී බව නිශ්පාදකයන් කියයි.එවන් අවස්ථාවකදී කිරීමට ඇත්තේ තදබදය මගහැර ‘‘පියඹා‘‘ යාමයි.

වේගවත් බවත් සුවපහසුවත් මේ මෝටර් රථය පදවන්නාට උපරිම ආකාරයෙන් ලබා ගත හැකි බවද සදහන්ය.ජෙට් යානයක මෙන් තටු දෙකක්ද මේ රථයේ වන අතර ඒවා පියාසර කිරීමට උපකාරී වේ.විශේෂ කරුණක් වන්නේ මේ මෝටර් රථයට පියාසර තත්ත්වයට එළැඹිමට සාමාන්‍ය ගුවන් යානයකට මෙන් ධාවන පථයක් අවශ්‍ය නොවීමයි.රථයේ දෙපස සවි කර ඇති රෝටර කි‍්‍රයාත්මක කිරීම මගින් රථය ඉහළට එසවිය හැක.ගුවනේදී තටු දිගහැර පියාසර කළ හැකිය.

තාක්ෂණය ඉහළම තත්ත්වයේ නිසා මිලත් පවතිනුයේ ඉහළය.මේ රථයක් ඩොලර් 300,000 පමණ මිල වනු ඇතැයි කියැවේ.

[