සිරියාවේ සිටින රුසියා හමුදාව ඉවත් කරන බව රුසියා ආරක්ෂක අංශ පවසයි.

සටන් විරාමයක් සඳහා රුසියාව හා තුර්කිය එකඟතාව පළ කිරීමෙන් අනතුරුව එරට ජනපති වැල්ඩැමීර් පුටින්ගේ තීරණයක් අනුව මෙලෙස හමුදාව ඉවත් කරන බව ද කියයි.

ප්‍රථමයෙන් ගුවන් යානා කාර්ය මණ්ඩලය සිරියාවෙන් ඉවත් කරන බව රුසියාව පවසයි.තම හමුදා වල කාර්යභාරය අවසන් බවත් හමුදා නිලධාරීහු පවසති.

රුසියාවේ මැදිහත්වීම තමන්ට වාසිදායක වූ බව සිරියා ජනපති බසාර් අල්-අසාද්  පැවසීය.

රුසියාව තම හමුදා ඉවත් කරන බව මුලින්ම පැවසූයේ ගිය වසරේ මාර්තු මස වුවද ඉන් ඉදිරියටත් ගුවන් ප්‍රහාර එල්ල කැරිණි.