වයඹ දිග පකිස්තානයේ චාර්සදා ප්‍රදේශයේ ‘බචා ඛාන්‘ විශ්ව විද්‍යාලයට තුවක්කුකරුවන් තිදෙනකු ඇතුළුවී වෙඩි තබා ඇතැයි එරට මාධ්‍ය වාර්තා පවසයි.

එහි දේශන ශාලාවල සිටි සිසුන්ට හා ගුරුවරුන්ට මෙන්ම නේවාසිකාගාරවල සිටි පිරිසටද වෙඩි තැබූ බව එරට රූපවාහිනී නාලිකා වාර්තා කරයි.

වෙඩි තැබීම්වලින් මහාචාර්යවරයකු මියගොස් ඇතැයි නවතම විදෙස් වාර්තා පෙන්වා දෙයි. සිසුන් කිහිප දෙනෙක් තුවාල ලබා රෝහල් ගත කරනු ලැබ ඇත.

මීට වසරකට පෙර තලේබාන් තුවක්කුකරුවකු පෙෂාවර්හි පාසලකට පැන වෙඩි තැබීමකින් පාසල් ළමුන් 134 දෙනකු ජීවිතක්ෂයට පත්විය.

බචා ඛාන් සරසවියේ සිසුන් 3000ක් පමණ ඉගෙනුම ලබන බව කියති. පකිස්තාන හමුදා වහා ප්‍රතිචාර දක්වමින් තුවක්කුකරුවන්ට ප්‍රතිප්‍රහාර එල්ලකිරීම ආරම්භ කර ඇතැයි පකිස්තානයේ නවතම වාර්තා කියයි.