පාකිස්තාන අගමැති යූසොෆ් රාසා ගිලානී එරට නිලධාරීන්ට එරෙහිව එල්ල වී ඇති දූෂණ චෝදනාවලට එරෙහිව නිසි ලෙස නීතිමය කි‍්‍රයාමාර්ග නොගැනීම හේතුවෙන් නිකුත් කළ ශ්‍රේෂ්ඨාධිකරණ නියෝගයකට අනුව අද(19) දින එරට ශ්‍රේෂ්ඨාධිකරණය හමුවේ පෙනී සිටීමට නියමිතය. පාකිස්තාන අගමැතිවරයාගේ අක‍්‍රියවත්භාවය උසාවියට අපහාස කිරීමක් ලෙස සලකා සත්පුද්ගල විනිසුරු මඩුල්ලක් විසින් අගමැතිවරයාට ශ්‍රේෂ්ඨාධිකරණය හමුවේ පෙනීසිටීමට නියෝග කරන ලදී. හමුදා කුමන්ත‍්‍රණයක් ඇති වුවහොත් පාකිස්තාන හමුදාව අඩපණ කිරීමට ඇමෙරිකා හමුදාවේ සහාය පතන බව සඳහන් කරමින් පාකිස්තාන රජය ඇමෙරිකා රජයෙන් උදවු ඉල්ලා සන්දේශයක් යැවීය. එමගින් පාකිස්තාන රජය අපේක්ෂා කළේ හමුදා කුමන්ත‍්‍රණයක් ඇති වුවහොත් පාකිස්තාන හමුදාව අඩපණ කිරීමයි. සන්දේශය සම්බන්ධයෙන් පරීක්ෂණයක් පවත්වන්නැයි එරට ආරක්ෂක ලේකම්වරයා ශ්‍රේෂ්ඨාධිකරණයෙන් කළ ඉල්ලීම මත ශ්‍රේෂ්ඨාධිකරණය පරීක්ෂණ කටයුතු ඇරඹීය.