පාකිස්තානය මධ්‍යදුර මිසයිලයක් ඊයේ(25) සාර්ථකව අත්හදා බැලූ බව පාකිස්තාන හමුදාව පවසයි. පාකිස්තානය මෙම මිසයිල අත්හදා බැලීම සිදු කළේ ඉන්දියාව අග්නි 5 මිසයිලය අත්හදා බැලීමෙන් සතියකටත් ගතවීමටත් පෙරය. ‘හට්ෆ් 4 ෂහීන් 1’ නමින් හඳුන්වා ඇති මෙම මිසයිලයට කෙතරම් දුර ගමන් කළ හැකිදැයි එරට හමුදාව නිශ්චිතව ප‍්‍රකාශ කර නොමැත. මේ සම්බන්ධයෙන් අදහස් දැක්වූ පාකිස්තාන ආරක්ෂක විශ්ලේෂකයෙකු වන ජනරාල් ටලාට් මහමුද් පැවසූයේ කිලෝමීටර් 2,500-3,000ත් අතර පිහිටි ඉලක්කයකට පහරදීමේ හැකියාව මිසයිලය සතු බවයි. මෙම මිසයිලය නව තාක්ෂණයෙන් සමන්විත ෂහීන් -1 වර්ගයට අයත් වන බවත් න්‍යෂ්ටික යුද ශීර්ෂ ගෙනයාමේ හැකියාව එය සතු වන බවත් පාකිස්තාන හමුදා හමුදාව සඳහන් කරයි. 1947 නිදහස ලැබීමෙන් අනතුරුව දෙරට අතර යුද්ධ ගැටුම් තුනක් හට ගෙන ඇත. යුද ගැටුම් අවසාන වීමෙන් පසුව 1998 වසරේ සිට න්‍යෂ්ටික අත්හදා බැලීම් මඟින් දෙරට තම යුද ශක්තිය පෙන්වීමට කටයුතු කර තිබේ. ඉකුත් මාසයේදී පාකිස්තානය කෙටිදුර මිසයිලයක් අත්හදා බැලීය.