පාකිස්තාන තලේබාන් සටන්කාමීන් මීට මාස හතරකට පෙර පැහැර ගනු ලැබූ අන්තර් ජාතික රතු කුරුස සංවිධානයේ සේවකයකු වන කහීල් රෂ්ඞ්, බලූකිස්තානය ප‍්‍රාන්තයේ ක්වෙටා නගරයට නුදුරින් මරා දමා ඇත. ගෝනියක බහා පලතුරු වත්තක දමා තිබුණු ඔහුගේ මළ සිරුර අසල තිබී තලේබාන් සටන්කාමීන්ගේ ලිපියක් ද හමුවවී ඇතැයි පාකිස්තාන ආරක්ෂක අංශ පවසයි. සටන්කාමීන් ඉල්ලූ කප්පම නොදුන් නිසා රෂ්ඞ් මරා දැමූ බව එම ලිපියෙහි සඳහන් වේ. පාකිස්තානයේ සෞඛ්‍ය වැඩසටහන් කිහිපයකට සම්බන්ධ ව සිටි රෂ්ඞ් (60* මුස්ලිම් ජාතික බි‍්‍රතාන්‍ය වැසියෙකි. තලේබාන් සටන්කාමීන් පිරිසක් ඔහු පැහැර ගෙන ගියේ ඉකුත් ජනවාරි 3 වැනිදාය. එම අවස්ථාවේදී ඔහු සේවය නිම කොට නවාතැන වෙත යමින් සිටියේය. රෂ්ඞ්ගේ ඝාතනය තරයේ හෙලා දකින බව ජාත්‍යන්තර රතු කුරුස සංවිධානය පවසයි. මානුෂීය මෙහෙයුම් වෙනුවෙන් තම මුළු ජීවිතයම කැප කළ කහීල් රෂ්ඞ් පැහැරගෙන ගොස් මරා දැමීම කිසිසේත් අනුමත කළ නොහැකි තිරිසන් කි‍්‍රයාවක් යැයි ජාත්‍යන්තර රතු කුරුස සංවිධානයේ අධ්‍යක්ෂ ජනරාල් යේස් ඩකෝඞ් පවසයි. රතු කුරුස සංවිධානයේ සහන සේවා නිලධාරියකු ලෙස රෂ්ඞ්, සෝමාලියාවේත්, ඇෆ්ගනිස්තානයේත්, ඉරාකයේත් කැපී පෙනෙන සේවයක් සිදු කළ අයෙකි.