තායිවානය අයිති කරගැනීමට චීනය උත්සාහ කරන්නේ නම් ඔවුන්ට දැඩි අභියෝගවලට මුහුණ දීමට සිදුවනු ඇතැයි දැඩි අභියෝගවලට මුහුණ දීමට සිදුවනු ඇතැයි ජියැන්ලි යැන්ග් පවසයි.

ජියැන්ලි යැන්ග් චීන පාලනය ප්‍රතික්ෂේප කරන අතර චීනයේ විරුද්ධවාදියකු ලෙස ද සැලකේ.

හෙතෙම ‘නිව්ස්වීක්’ සඟරාව වෙත ලිපියක් ලියමින් මේ බව සඳහන් කර ඇත.

තායිවාන ජනතාවගේ වෙනමම ජාතික අනන්‍යතාවක අවශ්‍යතාව වේගයෙන් වර්ධනය වෙමින් තිබෙන බව ද හෙතෙම පෙන්වාදෙයි.

‘සිටිසන් පවර් ඉනිෂියේටිව් ෆෝ චයිනා’ වැඩසටහනේ නිර්මාතෘවරයා වන්නේ ද ජියැන්ලි යැන්ග් ය.

තායිවානය තමන් යටතට ගැනීමට හැකි වනු ඇතැයි චීනය සුබවාදී අපේක්ෂා තබාගත්ත ද තායිවාන වැසියන්ගෙන් ඊට දැඩි විරෝධයක් එල්ල වනු ඇතැයි ද තායිවානය අල්ලා ගැනීම චීනය සිතන තරම් පහසු නැතැයි ද යැන්ග් පවසයි.

තායිවාන වැසියන් ඔවුන් චීනයට සම්බන්ධ කරගැනීමට පමණක් නොව චීන ජාතිකයන් හෝ එම වාර්ගිකත්වයට හෝ සම්බන්ධ කරගැනීමට දැඩි ලෙස විරුද්ධ යැයි ද හෙතෙම කියයි.

තායිවානයේ ජාතික විශ්වවිද්‍යාලයක් වන ‘නැෂනල් චෙන්ග්චි’ විශ්වවිද්‍යාලයේ මැතිවරණ අධ්‍යයන මධ්‍යස්ථානය මේ සම්බන්ධයෙන් අධ්‍යයනයක් කර ඇත.

ඊට අනුව පසුගිය දශක තුනක කාලයේ දී තමන් තායිවාන ජාතිකයකු ලෙස හඳුන්වන පිරිස වැඩි වී ඇති බවත් තමන් චීන සහ තායිවාන ජාතිකයකු ලෙස හඳුන්වන පිරිස ඉතා වේගයෙන් සහ සැලකිය යුතු ලෙස අඩු වී ඇතැයි ද එම අධ්‍යයනයෙන් අනාවරණනය වී ඇත.

එමෙන්ම තායිවානය තුළ, එනම් තායිවාන ජනතාව අතර වෙනමම ජාතික අනන්‍යතාවක අවශ්‍යතාව වේගයෙන් වැඩි වී ඇතැයි ද එහිදි සොයාගෙන තිබේ.

(ඒ.එන්.අයි. ඇසුරිනි)