ජපානයේ නැගෙනහිර හා උතුරුදිග ප්‍රදේශවල ගංවතුර හා නායයෑම් හේතුවෙන් 10දෙනකු පමණ මියගොස් තිදෙනකු අතුරුදන්ව ඇතැයි වාර්තා වේ.
 
පසුගිය දින කිහිපයේ ඇතිවූ අධික වර්ෂාව හේතුවෙන් ගංවතුර ඇතිවූ බව කාළගුණ අංශ පවසති.

ෆුකුෂිමා සහ චිබා දිස්ත්‍රික්කයන්හි නායයෑම් අතිවී තිබෙන අතර සමහර ප්‍රදේශ වලට මිලිමිටර් 200කට අධික වර්ෂාවක් ඇද වැටී ඇතැයි සඳහන් වේ.

 සතිදෙකකට පෙර ජපානය හරහා හමාගිය හයිබීස් සුළි කුණාටුවෙන් දැඩි හානි සිදුවූ අතර  අවතැන්වු පිරිස් තවමත් කඳවුරු වල වෙසෙන බව මාධ්‍ය වාර්තා කර ඇත.  ජපානයේ එන්එච්කේ පුවත් සේවය පවසන්නේ සුළි කුණාටුවෙන් 88දෙනකු මියගොස් 300ක් පමණ තුවාල ලැබූ බවයි.
 
 
(රොයිටර් පුවත් ඇසුරිණි - 085)