පෘථීවියෙන් කිලෝමීටර 300ක් පමණ ඉහළින් සිට චීනයේ ප්‍රථම වීඩියෝ දේශනය සිදු කිරීමට චීන කාන්තා ගගනගමි වැං යැපින් සමත් වී ඇතැයි වාර්තා වේ. ලිවූ යැංග්ගෙන් පසු චීනයේ දෙවැනි ගගනගාමී කාන්තාව වැං යැපිං (33) ය.

ටියැංගොං 1 අභව්‍යකාශ යානයේ සිට බ්‍රහස්පතින්දා පෙරවරු 10 සිට ඇය මෙම භෞතික විද්‍යා දේශනය සිදු කර ඇත. හය කෝටියකට අධික චීන සිසුන් සහ ගුරුවරුන්ගේ පළමු අභ්‍යවකාශ දේශනයක අත්දැකීම මෙයයි.

මෙම දේශනය චීනයේ සෑම පාසලකම රූපවාහිනී සහ ගුවන්විදුලි මධ්‍යයන් ඔස්සේ ප්‍රචාරය කිරීමට එරට අධ්‍යාපන අමාත්‍යංශය පියවර ගත්තේය. චීනයේ බෙයිජිං නගරයේ රෙන්මින් සරසවියට රැස්වූ සිසුහු 330ක් පමණ විශේෂ පන්තිකාමරයක සිට   ඇය හා සජීවීව සම්බන්ධ වී ඇයගෙන් ප්‍රශ්න ඇසීමටද අවස්ථාව ලබා ගත්හ.

ගුරුත්වාකර්ෂණ ශක්තිය නොමැති පාරිසරික තත්වයක සිට ඇය කරන ලද මෙම භෞතික දේශනයෙන් බර, ස්කන්ධය, ගුරුත්වාකර්ෂණය සහ නිව්ටන්ගේ නියමයන් පිළිබදව සිසුන්ට මනා අවබෝධයක් ලබා දීමට උපයෝගී වූ බව විදෙස් වාර්තාවල දැක්වේ.