තෙදින නිල සංචාරයක් සඳහා ඉන්දියාවට පැමිණි චීන අගමැති ලී කෙකියැං පෙරේදා (20) සවස ඉන්දීය රජය සමඟ වෙළෙඳ ගිවිසුම් කිහිපයකට අත්සන් තැබීය.
චීන වෙළෙඳ පොළට ඉන්දීය නිෂ්පාදන වැඩි වැඩියෙන් හඳුන්වා දීමටත් වෙළෙද ආයෝජන උදාකර දීමටත් තමන් සූදානම් බව චීන අගමැතිවරයා අගමැති මන්මෝහන් සිං සහ ඉන්දීය ව්‍යාපාරිකයන් හමුවෙමින් පැවැසීය.
චීන අගමැතිවරයා ඉන්දියාවේ නවදිල්ලි අගනුවරට පැමිණියේ ඉකුත් 19 වැනිදාය. ඔහු සමඟ චීන ව්‍යාපාරිකයන්, රාජ්‍ය නිලධාරීන් සහ ජ්‍යෙෂ්ඨ ඇමැතිවරු කිහිප දෙනෙක් ද පැමිණියහ.
වෙළෙඳ ආයෝජන ඇති කර ගැනීමට අමතරව ඉන්දියාවත් චීනයත් අතර  පවතින දේශසීමා අර්බුදය විසඳා ගැනීමට ද අගමැතිවරුන් අතර සාකච්ඡුාවට බඳුන් විය.
එම දේශසීමා අර්බුදය හටගත්තේ මීට සති කිහිපයකට පෙර චීන හමුදා ඉන්දියාවට අයත් යැයි පැවැසෙන භූමියක කඳවුරු පිහිටුවා ගැනීම නිසාය.