2025 මැයි මස 09 වන සිකුරාදා
චීන ප්‍රහාරක ජෙට් යානයක් පියාසර කරමින් තිබූ ඇමෙරිකා නාවික හමුදා ගුවන් යානයකට අඩි 20ක් දක්වා ලංවී ගමන් කිරීම හේතුවෙන් ධවල මන්දිරය සිය කනස්සල්ල පළකැර ඇති බව විදෙස් මාධ්‍ය වාර්තා කරයි. චීන මුහුදේ චීනයට අයත් හයිනම් නමැති දූපතට සැතපුම් 135ක් නැගෙනහිර දෙසින් මෙය සිදුව ඇතැයි පෙන්ටගනය පවසයි.
මෙය අන්තරාදායක හා වෘත්තීය නොවන ක්‍රියාවක් බව පවසන ඇමෙරිකානු ආරක්ෂක අමාත්‍යාංශයේ ප්‍රකාශක රියර් අද්මිරාල් ජෝන් කර්බි කියා ඇත්තේ චීන ප්‍රහාරයක ජෙට් යානය ඇමෙරිකානු නාවික හමුදාවට අයත් පොසෙඩොන් මුර යානය අසළින් තෙවරක් ගමන් කැර ඇති බවයි.
ඔහු වැඩිදුරටත් මෙසේ ද කියා ඇත.
‘‘ ඔවුන් අපේ යානයට ඉතා සමීප වි තිබෙනවා. අවස්ථා තුනක් මේ ආකාරයට ගමන්කැර ඇත්තේ ඔවුන් ආයුධ සන්නද්ධව සිටින බව පෙන්වීමට මෙන්. “
ඇමරිකාවේ ජාතික ආරක්ෂාව පිලිබඳ නියෝජ්‍ය උපදේශක බෙන් රොඩෙස් පවසා ඇත්තේ මෙම ක්‍රියාව සම්බන්ධයෙන් චීන රජය වෙත කෙලින්ම ඇමරිකානු රජයේ විරෝධතාවය පළකල බවයි.
ඇමෙරිකාව හා චීනය අතර ඇති හමුදාමය බැඳීම වඩාත් හිතකර ආකාරයට වර්ධනය කිරිමට උත්සාහ දරණ අවස්ථාවක මෙවැනි නොහික්මුණු ක්‍රියා මගින් ඒ තත්ත්වය විනාශ වී යන බව ද රොඩෙස් කියා ඇත.
2011 අප්‍රේල් මාසයේ දී ඇමෙරිකාවට අයත් ගුවන් යානයක් චීන ප්‍රහාරක යානයක ගැටීම හේතුවෙන් ඇමෙරිකා යානය හයිනම් ගුවන් පථයට හදිසියේ ම ගොඩ බැස්සවීමට සිදුවූ බව කියමින් වරක් ඇමෙරිකාව චීනයට දොස් පැවරුවේය. ඒ සිද්ධිය සම්බන්ධයෙන් චීනය ඇමෙරිකාවට දොස් පවරමින් කියා ඇත්තේ තම ප්‍රහාරක යානය දකුණු චීන මුහුදට කඩා වැටී ගුවන් නියමුවා මියගිය බවයි.
ශුද්ධෝත්තම ෆ්‍රැන්සිස් පාප්තුමන් ස්වර්ගස්ථවීමෙන් පසු, පාප් ධුරය සඳහා සුදුස්සකු තෝරා ගැනීම සිදුවිය. ඒ, වතිකානයේ සිස්ටීන් දෙව්මැදුරේ පැවැති කාදිනල්ව
ශුද්ධෝත්තම ෆ්‍රැන්සිස් පාප්තුමන් ස්වර්ගස්ථවීමෙන් පසු, පාප් ධුරය සඳහා සුදුස්සකු තෝරා ගැනීම මීට සුළු මොහොතකට පෙර සිදුවිය. ඒ, වතිකානයේ සිස්ටයින් දෙව්මැ
රුසියන් ජනාධිපති ව්ලැදිමීර් පුටින් හමුවී සාකච්ඡා පවත්වා, චීනය සහ රුසියාව අතරේ උපාය මාර්ගික හවුල්කාරීත්වය වර්ධනය කර ගැනීම චීන ජනාධිපතිවරයාගේ මෙම සංච
චීනය සමඟ සාකච්ඡා පවත්වා, තීරු බදු පැනැවීමත් සමඟ හටගත් වෙළෙඳ යුද්ධය අවසන් කිරීමට තමන් බලාපොරොත්තු වන බව ඇමෙරිකා ජනාධිපති ඩොනල්ඩ් ට්‍රම්ප් පවසයි.
පාකිස්තානයේ ලාහෝර් නුවරට ඉහළින් පියාසර කරමින් තිබුණු නියමුවන් රහිත ඩ්‍රෝන යානයක් පහර දී බිම දැමීමට පාකිස්තාන ආරක්ෂක අංශ සමත් විය. එය ඉන්දීය හමුදාවට අ
ජර්මනියේ පාලක පක්ෂය වන කොන්සවර්ටිව් පක්ෂයේ නායක ෆෙඩ්‍රික් මර්ස්, එරට චාන්සලර් ධුරයට තේරීපත් විය. ඒ, පාර්ලිමේන්තුවේ පැවැති වට කීපයක ඡන්ද විමසුම්වලින
2025 අප්‍රේල් මස 29
1253
1
රටක් දියුණු වීමට නම්, ජනතාව තුළ නිවැරදි මුල්‍ය සාක්ෂරතාවක් පැවතීම අනිවාර්ය වේ. එමෙන් ම මුදල් ඉතිරි කිරීම හා ආයෝජනය කිරීම පිළිබඳ දැනුම මෙන් ම අදාළ ක‍්‍ර
2025 අප්‍රේල් මස 29
320
2
අසරණභාවයට පත් වැඩිහිටි පුද්ගලයන් ගේ ජීවිතවලට ආලෝකයක් ගෙන දෙන HelpAge Sri Lanka ආයතනය, HelpAge අක්ෂි රෝහල සඳහා අරමුදල් රැස් කිරීමේ අරමුණින් Symphony of Hope නමින් විශේෂ පුණ්‍ය ප
2025 අප්‍රේල් මස 18
1344
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
චීනය ඇමෙරිකාවට අවි පෙන්වයි
සේරම් Monday, 25 August 2014 02:46 AM
චීනය ලෝක සිතියමෙන් මකා දමන්න වේවිද (නදී)
රෝහිත Monday, 25 August 2014 02:54 AM
චීනය නිදා සිටින යෝදයෙකු වැනිය. අවදි වූ විට මිනිසුන් නැගිට එන්නේ සිය ගණනින් නොව ලක්ෂ ගනනිනි (නදී)
සෙනරත් Monday, 25 August 2014 04:00 AM
ඇයි ඇමරිකානුවන් චීනයට ඔයතරම් ආසන්නයට ගියේ? ඇමරිකානුවෝ හිතන්නේ ඔවුන්ට ඕනෑ හැමදේම කරන්න පුළුවන් කියලා. චීනය මෙහෙම කළ එක හොඳයි. ඇමරිකාවට පුලුවන්නම් රුසියාවයි, චීනයටයි දෙකටම එකපාරට ගහන්න, එයාලා ඒක කරනවා. බැරිනිසා තමයි, අප්‍රසාදය පළකරන්නේ. එයාලා දන්නවා චීනය කියන්නේ නිදාසිටින යෝධයෙක් වග. (නි)
ඉසුරන්දි Monday, 25 August 2014 04:24 AM
චීනය තමයි අපේ රටට සුහදව වැඩකරන්නේ, අනෙක් රටවලට වඩා. (නි)
ඇසළ Monday, 25 August 2014 04:27 AM
සේරම්, චීනය නෙමෙයි මකා දමන්න අවශ්‍ය, ඇමරිකාව. (නි)
ඉන්දු මෙල්බර්න් Monday, 25 August 2014 04:28 AM
හොඳ වැඩේ, අනුන්ගේ රටවලට මුහුදු උඩින් ගිහින් සෙල්ලම් දාන්න යනවට. (නි)
නිහාල් Monday, 25 August 2014 07:09 AM
චීනය අවදිකිරීම යනු නිදාසිටි යෝධයෙක් අවදිකරගත්තා වැනිය (නි)
ගාමිණී සිරිවර්දන Sunday, 24 August 2014 03:16 PM
ආසියාවේ ශක්තිය බටහිර රටවලට පෙන්නුම් කිරීමත් එක්තරා වටිනාකමක්... ටිකක් බයකරන්න . (අ)
කෝලිත Sunday, 24 August 2014 05:52 PM
ගාමිණී, බය කරන්න නෙමෙයි. ඇමෙරිකාව ගහයි, රුසියාවයි චීනයයි එකට තියලා (නි)
ශීලා Sunday, 24 August 2014 07:29 PM
ඔහොම ළඟින් ගියා කියලා චීනයට මොනවද ලැබෙන්නේ? ශක්තිය පෙන්වන්න නම් අර මැදපෙරදිග මරාගන්න අය ටික මෙල්ල කරන්න. (නි)
රජින්ද Sunday, 24 August 2014 08:10 PM
චීනය කියන්නේ "අපිත් එක්ක සෙල්ලම් කරන්න එපා...." කියන දේයි. ඒක ඇමෙරිකාව වරදවා වටහාගෙන වගෙයි! (නි)
රූපවතී Sunday, 24 August 2014 08:40 PM
චීනය හොදටම දන්නවා මෙයාලගේ වැරදුණ මිසයිලයකට ගොදුරුවෙලා තමයි මැලේසියන් යානයේ හිටි චීන ජාතිකයන් අතුරුදන් වුණේ කියලා.ඔහොම පිටිපස්සෙන් පන්නලා එයාලා කරන දේවල් බලාගෙන එන එක ගොඩක්ම හොඳයි. ඇමරිකාව චීන දුපත්වල අයිතිය බලෙන් ලබාගෙන ,ආසියාවේ එයාලගේ යුධ ශක්තිය වර්ධනය කරගෙන, ආසියාවේ තෙල් බලවතුන්ව පාලනය කරගන්න දඟලනවා. (නි)
රිචි බාලසුරිය Sunday, 24 August 2014 09:21 PM
චීනය අපට ලොකු ආඩම්බරයක් ආසියාවේ රටක් වශයෙන් සහ බලවත්කමින් කාර්මික ආර්ථික සහ යුධමය වශයෙන්. (නි)
චමින්ද Monday, 25 August 2014 08:45 AM
මට මතක විදියට, එංගලන්තේ අගමැතිවරයෙක් තමයි බොහෝ ඉස්සර කියා තිබුනේ "චීනය නිදාසිටින කොටියෙකු වැනියි, ඌ ඇහැරවන්න එපා " කියලා. (නි)