කොංග‍්‍රස් මණ්ඩලයේ අනුමැතිය නැතිව, සිරියානු රජයට එරෙහිව හමුදා කි‍්‍රයා මාර්ගයක් ගැනීමට ජනපති ඔබාමාට හැකියාවක් ඇති බව එරට රාජ්‍ය දෙපාර්තමේන්තුවේ ජ්‍යෙෂ්ඨ නිලධාරියෙක් කියයි.

නම හෙළි කිරීමට අකමැති වූ එම ජ්‍යෙෂ්ඨ නිලධාරියා ඊයේ (3) මේ බව හෙළි කළේ ඇමෙරිකාවේ ෆොක්ස් පුවත් නාළිකාවටය.

කොංග‍්‍රස් මණ්ඩලයේ අනුමැතිය නොමැතිව, සිරියාවට ඉතා සැලැසුම් සහගතව ප‍්‍රහාරයක් එල්ල කිරීමට ජනපති ඔබාමා සියල්ල සූදානම් කර ඇතැයි ද එම නිලධාරියා වැඩි දුරටත් පැවැසීය.

කෙසේ නමුත් ජනපති ඔබාමා පවසා ඇත්තේ කොංග‍්‍රස් මණ්ඩලයේ අනුමැතිය නොමැතිව තමා සිරියාවට පහර නොදෙන බවය.

රාජ්‍ය දෙපාර්තමේන්තු නිලධාරියා ඒ බව කීවේ, ඇමෙරිකා ජනපති ඔබාමා සිරියාවට හමුදාමය මැදිහත් වීමක් කිරීමට සැකැසූ යෝජනාවලිය කොංග‍්‍රස් මණ්ඩලයේ බොහෝ දෙනාගේ දැඩි විරෝධයට හේතු වීමත් සමඟය.

සිරියානු අර්බුදය සම්බන්ධයෙන් ලබන 9 වැනිදා කොංග‍්‍රස් මණ්ඩලයේ දී සාකච්ඡුා කිරීමටත්, සිරියාවට පහර දෙනවා ද නැද්ද යන්න විවාදයට ගැනීමටත් නියමිතය.

සිරියානු රජයට එරෙහිව හමුදාමය කි‍්‍රයා මාර්ගයක් ගන්නවා නම්, සිවිල් ජීවිත හානි අවම කිරීමට කටයුතු කරමින්, සිරියානු රජයේ සහ හමුදාවේ මර්මස්ථාන හඳුනාගෙන ඒවාට පමණක් පහර දෙන බව ද ඇමෙරිකානු ජනාධිපතිවරයා අවධාරණය කර ඇත. ඔබාමා, එරට ආරක්ෂක අංශ ප‍්‍රධානීන් හමු වී පසුගිය දා සිරියාවට පහර දීමක් කළ යුතු ආකාරය ගැන සාකච්ඡුාවක් ද පැවැත්වීය.

‘ඉකුත් 21 වැනි දා සිරියාවේ සිදුවුණු රසායනික විස වායු ප‍්‍රහාරය සිදු කළේ සිරියානු රජය බවට සැකයක් නැහැ. එම ප‍්‍රහාරයෙන් මියගිය 496 දෙනකුම කුඩා දරුවන්. සිදු වුණේ මහා මානව සංහාරයක්.

සිරියානු රජයට තවත් එවැනි අපරාධ සිදු කිරීමට ඉඩ දිය යුතු නැහැ.’ යැයි ජනපති ඔබාමා පවසා ඇත.

සිරියාවට එරෙහිව හමුදාමය කි‍්‍රයා මාර්ගයක් ගැනීම සඳහා කොංග‍්‍රස් මණ්ඩලයේ අනුමැතිට ලබා ගැනීමට ජනපති ඔබාමා සූදානම් වන්නේ ලබන 9 වැනිදාය.

 

බලයෙන් ඉවත් වීම ප‍්‍රතික්ෂේප කරන සිරියානු ජනාධිපති බෂීර් අල් අසාද්, ඒකාධිපති පාලකයකු බවත්, හිට්ලර් කෙනකු බවත්, සිවිල් වැසියන් අමු අමුවේ මරා දමන ඝාතකයකු බවත් ඇමෙරිකා රාජ්‍ය ලේකම් ජෝන් කෙරී පෙරේදා (2) ප‍්‍රසිද්ධියේ චෝදනා කළේය. ඔහු එසේ චෝදනා කර පැය කිහිපයක් ගත වෙද්දී බි‍්‍රතාන්‍යයේ ඬේලි මේල් පුවත් සේවය මෙම ඡායාරූපය ප‍්‍රසිද්ධියට පත් කළේය.

2009 වසරේ දී ගත් මෙම ඡායාරූපයේ දැක්වෙන්නේ ජෝන් කෙරී සහ බිරිය (වමේ) ජනපති අසාද් සහ ඔහුගේ බිරිය සමඟ සිරියාවේ ඩමැස්කමස් අගනුවර තරු පහේ හෝටලයක රාතී‍්‍ර භෝජන සංග‍්‍රහයකට එක් වූ අයුරුය.

මැසචුසෙට් ජනපදය නියෝජනය කළ සෙනෙට් සභිකයකු ලෙස එදා ජෝන් කෙරී, සිරියාවේ සංචාරයක යෙදුණේ මැද පෙරදිග කලාපයට සාමය උදා කිරීමේ අරමුණින් සිරියා ජනපතිවරයා සමඟ සාකච්ඡා කිරීමටය.