IMG-LOGO

2025 ජුලි මස 12 වන සෙනසුරාදා


ඔබාමාට කොංග‍්‍රස් අනුමැතිය දෙන්න: සිරියානු විපක්ෂ දේශපාලන කණ්ඩායම් ඉල්ලති

සිරියානු ජනාධිපති බෂීර් අල් අසාද්ගේ රජයට එරෙහිව හමුදාමය කි‍්‍රයා මාර්ගයක් ගැනීමට අනුමැතිය ලබා දෙන්නැයි සිරියානු කැරැලිකරුවන්ට සහාය දක්වන විපක්ෂ දේශපාලන කණ්ඩායම් ඊයේ (2) ඇමෙරිකන් කොංග‍්‍රස් මණ්ඩලයෙන් ඉල්ලා සිටියේය.

ඔවුන් එම ඉල්ලීම කළේ, කොංග‍්‍රස් මණ්ඩලයේ අනුමැතියකින් තොරව සිරියාවට පහර දීමක් නොකරන බව ජනපති ඔබාමා පැවැසීමත් සමඟය.
සිරියානු අර්බුදය ගැන කොංග‍්‍රස් මණ්ඩලයේ දී සාකච්ඡා කිරීමටත් සිරියාවට පහර දෙනවා ද නැද්ද යන්න විවාදයට ගැනීමටත් නියමිත බව ජනපති ඔබාමා එම අවස්ථාවේදී වැඩිදුරටත් කියා සිටියේය.

ජනපති ඔබාමාගේ අණ පරිදි සිරියා රජයට එරෙහිව හමුදා ප‍්‍රහාරයකට මේ වනවිට සියල්ල සූදානම්ය. ප‍්‍රහාරය ආරම්භ කිරීමට නම් කොංග‍්‍රස් මණ්ඩලයේ අනුමැතිය අවශ්‍ය වෙයි.

සිරියානු රජයට එරෙහිව හමුදාමය කි‍්‍රයා මාර්ගයක් ගන්නවා නම්, සිවිල් ජීවිත හානි අවම කිරීමට කටයුතු කරමින්, සිරියානු රජයේ සහ හමුදාවේ මර්මස්ථාන හඳුනාගෙන ඒවාට පමණක් පහර දෙන බව ද ඇමෙරිකානු ජනාධිපතිවරයා පවසා ඇත. ඔබාමා ඉකුත් 31 වැනිදා එරට ආරක්ෂක අංශ ප‍්‍රධානීන් හමුවී  සිරියාවට පහර දීමක් කළ යුතු ආකාරය ගැන සාකච්ඡුාවක් ද පැවැත්වීය.

සිරියාවට එරෙහිව හමුදාමය කි‍්‍රයා මාර්ගයක් ගැනීම සඳහා කොංග‍්‍රස් මණ්ඩලයේ අනුමැතිය ලබා ගැනීමට ජනපති ඔබාමා සූදානමින් සිටින්නේ, ඇමෙරිකාවේ ප‍්‍රධාන නගර කිහිපයකම ඔබාමාට විරෝධය පළ කරමින් විරෝධතා රැලි පැවැත්වෙද්දීය.

බහුතරයක් ඇමෙරිකානුවන්ගේ අදහස වී ඇත්තේ, ඇමෙරිකාව සිරියානු අර්බුදයට මැදිහත් නොවිය යුතු බවය. ඇමෙරිකා නගරවල විරෝධතා පැවැත්වුණේ සිරියා රජයට එරෙහිව හමුදාමය මැදිහත් වීම් එපා යැයි පවසමිනි. ඇමෙරිකානු කොංග‍්‍රස් මණ්ඩලයේ ඇතැමුන්ගෙන් ද විරෝධයක් එල්ල වී ඇත.

ඇමෙරිකාව සිරියාවට පහරදීමක් කරන්නේ නම්, තමන් ඇමෙරිකාවට සහාය දෙන බව ප‍්‍රංශයත් ඊශ‍්‍රායලයත් පවසා ඇත. ජනපති ඔබාමා, ඊශ‍්‍රායල අගමැති බෙන්ජමින් නෙදන්යාහු සමඟ සිරියාවට පහර දෙන ආකාරය ගැන ඊයේ (2) විශේෂ සාකච්ඡාවක් ද පැවැත්වීය. සාකච්ඡාව පැවැත්වුණේ දුරකතනය ඔස්සේය. සිරියාවට පහර දීම සම්බන්ධයෙන් ප‍්‍රංශ ජනපති ෆ‍්‍රන්සුවා  ඕලන්ද්ගේ රජය ලබන 4 වැනිදා එරට පාර්ලිමේන්තුවට යෝජනාවලියක් ඉදිරිපත් කිරීමට නියමිතව ඇත.
 



අදහස් (0)

ඔබාමාට කොංග‍්‍රස් අනුමැතිය දෙන්න: සිරියානු විපක්ෂ දේශපාලන කණ්ඩායම් ඉල්ලති

දුම්මලසූරිය. Tuesday, 03 September 2013 11:15 AM

සිරියා විපක්ෂයක් අපේ රටේ විපක්ෂය වගේමයි....තමන්ගේ පුද්ගලික වාසි තකා තමන්ගේම මාතෘභූමිය විනාශ කරන්න කියලා පිටරැටියන්ට ආරාධනා කරනවා.......කණගාටුයි......ඉතාම කණගාටුයි......ඔය මිනිස්සුන්ට තමන් කරන අනුවනකමේ පලවිපාක ලැබෙද්දී තේරෙයි කරපු ගොන්කම්....නමුත් ....එදාට ඔවුන් පරක්කු වැඩි...... (ස)

:       0       0

ඔබේ අදහස් එවන්න

 

 
 

මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි 2025 ජුලි මස 04 334 0
ශ‍්‍රී ලංකා ඉන්ෂුවරන්ස් ලයිෆ් ජීවිත රක්ෂණ ඔප්පුහිමියන් සඳහා දැවැන්තම බෝනස් දීමනාව ලෙස රු.බිලියන 12.5 ක් ප‍්‍රකාශයට පත් කරයි

ශ‍්‍රී ලංකා ඉන්ෂුවරන්ස් ලයිෆ් තම වාර්තාව අභිබවා යමින් මෙරට රක්ෂණ ඉතිහාසයේ දැවැන්තම බෝනස් දීමනාව වන රුපියල් බිලියන 12.5 ක ජීවිත රක්ෂණ බෝනස් දීමනාව 2024 වසර

ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි 2025 ජුලි මස 01 855 1
ස්වදේශී කොහොඹ කතරගම කිරි වෙහෙර සහ රුහුණු මහා කතරගම දේවාලය 24වන වරටත් ආලෝකමත් කරයි

ශ්‍රී ලංකාවේ වැදගත් පූජනීය බෞද්ධ ආගමික සිද්ධස්ථානයන් වන කතරගම කිරි වෙහෙර සහ රුහුණු කතරගම මහා දේවාලයේ 2025 ඇසළ උත්සවය, ශාකසාර සබන් සහ ශාකසාර පෞද්ගලික

ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන  හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES 2025 ජුනි මස 26 1277 0
ශ්‍රී ලාංකීය දේපල වෙලදාම් ක්ෂේත්‍රයේ ප්‍රමුඛතම සමාගම වන හෝම්ලෑන්ඩ්ස් සමුහය මෙරට ඉතිහාසයේ විශාලතම දේශීය නිවාස ව්‍යාපෘති ආයෝජනය සනිටුහන් කරමින් PENTARA RES

එදා මෙදාතුර ශ්‍රී ලාංකීය දේපල වෙළදාම් ක්ෂේත්‍රයේ දැවැන්තම සහ අති සුඛෝපභෝගී නිවාස සංකීර්ණ ව්‍යාපෘතිය වන Pentara Residencies තුන්මුල්ල හංදිය ,The Address in Colombo එළි දැක්වීම

Our Group Site