මගීන් 56 දෙනකු රැගත් ඊජිප්තු ගුවන් යානයක් අතුරුදන්ව ඇතැයි විදෙස් පුවත් සේවා පවසයි.

ප්‍රංශයේ පැරිස් නුවර චාල්ස් ඩි ගෝල් ගුවන්තොටුපළේ සිට ඊජිප්තුවේ කයිරෝ නුවර දක්වා ගමන් ගනිමින් තිබූ යානය අඩි 37000ක් ඉහළ අහසේදී අතුරුදන්ව ඇතැයි කියති.

එම්එස් 804 වර්ගයේ යානය රේඩාර් පථයෙන් ඉවතට ගොස් සංඥා ලබාදීම නැවතී ඇති බවත් අවසන්වරට යානයෙන් සංඥා ලැබුණේ පෙරවරු 4.26ට පමණ බවත් ගුවන්තොටුපළ ආරංචි කියයි. යානයේ සිටි මගීන්ගෙන් වැඩි පිරිසක් ප්‍රංශ ජාතිකයෝ බව කියති.

යානය අතුරුදන්ව ඇත්තේ ඊජිප්තු ගුවන් සීමාවට ඇතුළුවී කිලෝමීටර් 16ක් පමණ ගමන් කිරීමෙන් පසුව බවද වාර්තාවේ.