ඇෆ්ගනිස්ථානයේ ආරක්ෂක සේවයේ ඉහළ නිලධාරියෙකු ඔහුගේ පෞද්ගලික ආරක්ෂකයෙකු විසින් වෙඩිතබා ඝාතනය කර ඇතැයි වාර්තා වේ.

මෙසේ ඝාතනයට ලක්වී ඇත්තේ අණදෙන නිළධාරීවරයෙකු වන කන්දහාර් පොලිසියේ  ප්‍රධානී ජෙනරාල් අබ්දුල් රසීක් නැමැත්තෙකි. 

බලධාරීන් පවසන්නේ තලේබාන් සංවිධානය විසින් මෙම ඝාතනය සිදුකරන්නට ඇති බවයි. ජෙනරාල් රාසීක් සහ මේ වනවිට සැඟවී සිටින ඇමරිකානු අණදෙන නිළධාරී ජෙනරාල් ස්කොට් තලේබාන් සංවිධානයේ ඉලක්ක බවට පත්ව සිටි බව ද ඔවුහු පවසති.

මෙම වෙඩිතැබීමේදී තවත් පුද්ගලයෙකු ඝාතනයට ලක්වී ඇති අතර නගරාධිපති සහ ඇමරිකානු ජාතිකයන් තිදෙනකු තුවාල ලබා තිබේ.

එළඹෙන ඉරිදා දිනයේ කන්දහාර් නගරයේ මැතිවරණය පැවැත්වීමට නියමිතව ඇත.

(බිබිසී ඇසුරිණි - 085)