2023 පෙබරවාරි මස 05 වන ඉරිදා
තමන් සතු රසායනික අවි අන්තර්ජාතික පාලනයට යටත් කිරීමට සිරියානු රජය කැමැත්ත පළ කිරීමත් සමඟ එම කටයුතු සඳහා සිරියාවට යෑමට එක්සත් ජාතීන්ගේ ආරක්ෂක මණ්ඩලයේ නිත්‍ය සාමාජික රටවල තානාපතිවරු සහ නියෝජිතයෝ සූදානම් වෙති.
එක්සත් ජාතීන්ගේ ආරක්ෂක මණ්ඩලයට සාමාජික රටවල් 15 ක් අයත් වෙයි. එම ආරක්ෂක මණ්ඩලයේ නිත්‍ය සාමාජිකයන් වන්නේ ඇමෙරිකාව, බි‍්‍රතාන්‍යය, ප‍්‍රංශය, රුසියාව සහ චීනයයි. රුසියාව සහ චීනය සහාය දෙන්නේ සිරියානු ජනපති අසාද්ගේ රජයටයි.
සිරියාවට ගොස් සිරියානු රජයේ අවසරය පරිදි, එරට රසායනික අවි නිෂ්පාදන කම්හල් ගැන සොයා බැලීමටත්, එම අවි තම භාරයට ගැනීමටත් ආරක්ෂක මණ්ඩල තානාපතිවරු සහ නියෝජිතයෝ සූදානම් වෙති. ඔවුන් ඇමෙරිකාවේ නිව්යෝක් නුවර එක්සත් ජාතීන්ගේ මූලස්ථානයේදී, එම කටයුතු සිදු කරන අයුරු ගැන දීර්ඝ වශයෙන් සාකච්ඡුා කළේය.
රසායනික අවි අන්තර්ජාතික පාලනයට යටත් කිරීමට සිරියානු රජය කැමැත්ත පළ කළේ, රුසියානු ජනපති ව්ලැඩිමීර් පුටින් ප‍්‍රමුඛ රුසියානු රජය කළ යෝජනාවකට එකඟ වෙමිනි.
සිරියාව එම තීරණය ගත්තේ, ඇමෙරිකාව සිරියාව සම්බන්ධයෙන් හමුදාමය මැදිහත් වීමක් කිරීමට සූදානම් වෙමින් සිටිද්දීය. සිරියාවට පහර දෙනවද නැද්ද සම්බන්ධයෙන් ජනපති ඔබාමා සැකැසූ යෝජනාවලියක් එරට කොංග‍්‍රස් මණ්ඩලයේ දී විවාදයට ගැනීමට නියමිතව තිබුණු අතර සිරියානු රජය ගත් එම තීරණය හේතුවෙන්, ජනාධිපති ඔබාමා කියා සිටියේ, සිරියාව ගත් එම තීරණයට තම අනුමැතිය ලබා දෙන බවත් සිරියාවට එරෙහිව කඩිමුඩියේ හමුදා ප‍්‍රහාරයක් එල්ල නොකරන බවත්ය.
