IMG-LOGO

2024 අප්‍රේල් මස 23 වන අඟහරුවාදා


ආගමික අන්තවාදීන්ට පකිස්තානයෙන් ආදර්ශයක්

පකිස්තානයේ හිටපු හමුදා පාලකයෙක් වූ සියාවුල් හක් හඳුන්වා දුන් නීතියක් අනුව කුරානයට හෝ ඉස්ලාමීය ආගමට අපහාස කිරීම අධිකරණයෙන් හෝ සමාජයෙන් සමාව නොලැබෙන වරදකි. දීර්ඝ සිර දඬුවමක් හෝ මරණ දඬුවම හිමි විය හැකි මෙම ආගම කෙලෙසීමේ වරදට දඬුවම් ලබන්නේ ඒ පිළිබඳ චෝදනා ලබන පුද්ගලයා පමණක් නොවේ. එම ජන සමූහයටම ඉස්ලාමීය භක්තිකයින්ගේ කෝපය එල්ල වන අතර ඔවුන් ආරක්‍ෂා කිරීමට හෝ එම නීතියේ අසාධාරණය ගැන කතා කිරීමට ඉදිරිපත් වන  ඕනෑම අයෙකු මරා දැමීම ආගමික සමාජයේ ගෞරවයට ලක් වන කාරණයකි. පසුගිය වසරේ මෙම ආගම කෙලෙසීමේ චෝදනාවක් යටතේ සිරගත කර සිටින අසියා බිබි නම් කාන්තාව නිදහස් කරන්නැයි ප‍්‍රසිද්ධ ප‍්‍රකාශයක් කළ පංජාබ් ප‍්‍රාන්තයේ ආණ්ඩුකාර සල්මන් ටසීර් ඔහුගේ ආරක්‍ෂක භටයෙකු විසින්ම වෙඩි තබා මරා දමනු ලැබිණ. එම ආරක්‍ෂකයා මිනිස් ඝාතන චෝදනාව යටතේ අධිකරණයට ඉදිරිපත් කළ විට එම අධිකරණයේ සම්පූර්ණ නීතිඥ මණ්ඩලයම ස්වේච්ඡුාවෙන් ඝාතකයා වෙනුවෙන් පෙනී සිටියහ. ඔහුට දඬුවම් නියම කළ විනිශ්චයකාරවරයා තීන්දුව ප‍්‍රකාශයට පත් කිරීමත් සමග රටින් පලා ගියේ සිය ජීවිත ආරක්‍ෂාව ගැන තිබූ බිය නිසාමය. වෙනත් ආගමක් අදහන පුද්ගලයෙකු කුරානයට හෝ ඉස්ලාමීය ආගමට අපහාස කෙළේ යන චෝදනාව එල්ල කළ විට එම පුද්ගලයාගේ ආරක්‍ෂාවට කිසිවෙකු ඉදිරිපත් නොවන්නේ ඉස්ලාමීය භක්තිකයින්ගෙන් හා පූජකයින්ගෙන් එල්ල වන තර්ජන නිසාය. අධිකරණයට ඉදිරිපත් වූ විට නීතිඥයින්ගේ සහාය හෝ ලබා ගත නොහැක. පාකිස්තානයේ දැනට පවතින රජයේ සුළුජන කොටස්  පිළිබඳ ඇමති වූ ෂන්බාස් සටී මෙම නීතිය සුළු ජාතිකයින් පීඩාවට ලක් කිරීමට යොදා ගන්නා ‘‘කළු නීතියක්’’ යැයි හැඳින්වූ විට ඔහුට පිළිතුරු ලැබුණේ ද ආගමික අන්තවාදීන්ගේ තුවක්කුවෙනි. ඔහුගේ ආරක්‍ෂාවට පාලන පක්‍ෂයේ කිසිවෙක් හෝ ඉදිරිපත් වූයේ නැත. එම නිසා සිය විරුද්ධවාදියෙකු විනාශ කිරීමට යොදා ගත හැකි වූ පහසුම කි‍්‍රයා මාර්ගය වූයේ එම පුද්ගලයා කුරානය හෝ ආගම කෙලෙසූ බවට චෝදනාවක් ඉදිරිපත් කිරීමය. චෝදනාව ඉදිරිපත් කරන විටම සමාජයෙන් හා අධිකරණයෙන් දඬුවම් නියම වී හමාරය. 2009 වසරේ දී කුරානයට අවමන් කෙළේ යැයි ගොජ්රා ප‍්‍රදේශයේ පැතිර ගිය කට කතාවක් නිසා එහි කි‍්‍රස්තියානු ආගමිකයින්ගේ ගෙවල් ගණනාවක් විනාශ කොට පුද්ගලයින් 8 දෙනෙකු පණපිටින්ම පුළුස්සා දමන ලදී. මෙම අනතුර පවතින්නේ පාකිස්තානයේ මුළු ජන සංඛ්‍යාවෙන් සියයට එකක් පමණ වන ක‍්‍රිස්තියානි භක්තිකයින්ට පමණක් නොවේ. සුන්නි නොවන ෂියා හා අහමඞ් යන මුස්ලිම් නිකායවලට අයත් පුද්ගලයින්ට ද මෙවැනිම තර්ජන නිතර එල්ල වේ. සමහර විට ෂියා මුස්ලිම් පල්ලිවල ආගමික මෙහෙයන් පැවැත්වෙන විට එල්ල කරන ප‍්‍රහාරවලින් සිය ගණන් මිය යති. පසුගිය වසර තුළ එවැනි ප‍්‍රහාරවලින් 2000කට අධික පිරිසක් මිය ගිය බව පාකිස්ථානු ජනමාධ්‍ය වාර්තා කරයි. 1947 අගෝස්තු මාසයේ දී ඉන්දියාවෙන් වෙන් වී පාකිස්තානු රජ්‍යය ප‍්‍රකාශයට පත් කරන ඓතිහාසික අවස්ථාවේ මොහොමඞ් අල් ජින්නා ප‍්‍රතිඥා දුන්නේ, ”ඔබ කුමන ප‍්‍රජාවට අයත් වුවත් එය නොසලකා අපි සියලූ දෙනාම සමාන අයිතිවාසිකම්, වරප‍්‍රසාද හා යුතුකම් හිමි වැසියන් වෙමු” යනුවෙනි. එහෙත් ජින්නාගෙන් පසුව පාකිස්තානයේ බලයට පැමිණි බොහෝ දෙනෙක් එය ආදර්ශ කරගත්තේ නැත. එහි උච්ඡතම අවස්ථාව වූයේ හමුදා කුමන්ත‍්‍රණයකින් බලය පැහැරගත් සියාවුල් හක් කුරානයට හා ඉස්ලාමීය ආගමට අපහාස කිරීම පිළිබඳ නීතියක් ව්‍යවස්ථාගත කිරීමයි. එහෙත් මෙම අන්තවාදී තත්ත්වය වෙනස් වන බවට ඉඟියක් පසුගිය සතියේ දක්නට ලැබිණ. ඉස්ලාමාබාද් නගරයේ මුඩුක්කු ප‍්‍රදේශයක ජීවත් වන 11 හැවිරිදි රිමාෂා නම් ක‍්‍රිස්තියානි පවුලකට අයත් දැරිය කුරානයේ පාඨ අඩංගු කොටසක් පුළුස්සා දැමී යැයි චෝදනා ඉදිරිපත් කොට සිරභාරයට පත් කෙරිණ. එම චෝදනා ඉදිරිපත් කර තිබුණේ එම ප‍්‍රදේශයේ මුස්ලිම් පූජකවරයෙකු විසිනි. මන්දබුද්ධික දැරියක් වූ රිමාෂා පිළිබඳ සිද්ධිය පාකිස්තානයේත් සෙසු රටවලත් උණුසුම් ප‍්‍රවෘත්තියක් විය. කියවීමට නොදත් නිසා කුරානයේ පාඨ සඳහන් කඩදාසි මොනවාද යන්න තේරුම් බේරා ගැනීමේ හැකියාවක් ඇයට තිබුණේ නැත. දෙවැනිව මන්දබුද්ධිකයෙක් වන නිසා ඇය සිතාමතා අපරාධයක් කළා යැයි කිව නොහැකිය. එම නිසා ඇය  චෝදනාවලින් නිදහස් කිරීමටත් සිරභාරයෙන් නිදහස් කිරීමටත් විවිධ අංශවලින් ඉල්ලීම් කෙරිණ. වඩාත් අනුවේදනීය කතා පුවත වූයේ රිමාෂාට චෝදනා එල්ල කළ පූජකයා කුරාන් පාඨ සඳහන් කඩදාසිය පුළුස්සා ඇය අත තිබූ බෑගයකට දමන ලදැයි පූජකයාගේ සහායකයෙකු ප‍්‍රකාශ කිරීමය. ඒ අනුව රිමාෂාට චෝදනා එල්ල කළ පූජකයා ද අත්අඩංගුවට ගෙන සිරභාරයට පත් කර ඇත. වඩාත් වැදගත් වන්නේ මුස්ලිම් පූජකයින්ගේ හා බුද්ධිමතුන්ගේ සමස්ත පාකිස්තානු උලෙමා මණ්ඩලය මෙම සිද්ධිය හෙළා දැකීමය. අන්තවාදී මත දරන්නේ යැයි ප‍්‍රකට මෙම සංවිධානය ප‍්‍රකාශයක් නිකුත් කරමින්, ”කිසිවෙකුටත් අසාධාරණයක් සිදු වනු දැකීමට අපි නොකැමැත්තෙමු. බියජනක තත්ත්වය අවසන් කළ යුතු යැයි අපි සිතමු,” යැයි සඳහන් කෙළේය. තවත් ප‍්‍රබල ආගමික සංවිධානයක් වූ උලෙමා මණ්ඩලයේ සභාපති හෂීස් මොහොමඞ් ෆෙරි පසුගිය සඳුදා පුවත්පත් සාකච්ඡාවක් පවත්වමින් රිමාෂා ජාතියේ දියණියක් යැයි කීවේය. සිරභාරයෙන් නිදහස් කරන්නේ නම් ඇයට ආරක්‍ෂාව සැලසීමට තමා ඉදිරිපත් වන බව ද ඔහු සඳහන් කෙළේය. ක‍්‍රිස්තියානි භක්තිකයින් පලවා හැර එම ප‍්‍රදේශයේ මුස්ලිම් පල්ලියක් ඉදි කිරීමේ අරමුණෙන් මෙම චෝදනාව ඉදිරිපත් කර ඇති බවට තොරතුරු ලැබී ඇතැයි ද සඳහන් කළ ඔහු එවැන්නකට තම සංවිධානය කිසි සේත් ඉඩ නොදෙන බවට ද අවධාරණය කෙළේය. බාල වයස්කාරියක වන රිමාෂාට ඇප ලබා දෙන ලෙස කළ අයැදුම්පත සලකා බැලීම කල් දැමීමට අධිකරණය තීරණය කළ ද පාකිස්තානු ජන සමාජයේ විවිධ කොටස්වලින් පළවන සහාය කැපී පෙනෙන ප‍්‍රවණතාවකි. හෂීස් මොහොමඞ් ආගමට අපහාස කිරීමේ නීතිය ඉවත් කළ යුතු යැයි කියන්නේ නැති වුව ද එය වැරදි ලෙස ක‍්‍රියාත්මක කිරීම වැළැක්විය යුතු බව පෙන්වා දේ. ෂාරියා නීතිය පදනම් කරගෙන දැඩි දඬුවම් පැමිණවිය යුතු යැයි ප‍්‍රබල මතයක් පැවති සමාජයක 11 හැවිරිදි දුප්පත් දැරියක වන රිමාෂා වෙනුවෙන් මෙවැනි හඬක් නැගීම එක අතකින් අගය කළ යුතු මෙන්ම පුදුමයට ද කරුණකි. මුස්ලිම් ආගමික ධුරාවලියේ පවතින ආධිපත්‍යය නිසා පාකිස්තානයේ දේශපාලන නායකයින් ද මෙවැනි ප‍්‍රශ්න ගැන ප‍්‍රසිද්ධියේ මත ප‍්‍රකාශ කරන්නේ නැත. එහෙත් මෙම සිද්ධියත් සමග කේ.පී. හා බැලොකිස්ථාන ප‍්‍රාන්තවල ෂියා ආගමිකයින් ඉලක්ක කරගත් ප‍්‍රහාර ගැන අධිකරණ විභාගයක් පැවැත්විය යුතු යැයි තෙහ්රික් ඊ. ඉන්සාෂ් පක්‍ෂයේ නායක ඉම්රාන් ඛාන් පැවසුවේය. පාකිස්තානයේ ප‍්‍රධාන දේශපාලන පක්‍ෂ දෙක වන පාලක පාකිස්තානු ජනතා පක්‍ෂයත් විපක්‍ෂයේ පාකිස්තාන මුස්ලිම් ලීගයත් මෙතෙක් කණ්ඩායම්වාදී ගැටුම ගැන ප‍්‍රකාශ කර නිකුත් කර නොමැති වුවත් අලූත් දේශපාලන එකතුවක නායකයා වන ඉම්රාන් ඛාන්ගේ මෙම ස්ථාවරය ඉතා වැදගත්ය. එමෙන්ම සින්ද් ප‍්‍රදේශය පදනම්ව ක‍්‍රියාත්මක වන ඇම්කිවුඇම් පක්‍ෂයේ නායක අල්ටාෂ් හුසේන් ද කණ්ඩායම්වාදී ගැටුම් අවසන් කිරීමට පියවර ගත යුතු යැයි රජයට යෝජනා කරයි. මන්දබුද්ධික අකුරු නොදන් රිමාෂා දැරියගේ සිද්ධිය දැඩි මූලධර්මවාදී ආගමිග ග‍්‍රහණයකට හසුව ඇති පාකිස්තානයේ හදිසි වෙනසකට මුල් වන්නේ යැයි කිව නොහැකිය. එහෙත් එවැනි මූලධර්මවාදීන් යැයි හැඳින්වෙන ඉස්ලාමීය නායකයින් එම දැරියගේ ආරක්‍ෂාවට ඉදිරිපත් වීමත් බොරු චෝදනා කළ පූජකයාට එරෙහිව සිටීමත් බලාපොරොත්තු සහගත තත්ත්වයකි. අන් ආගම් නොඉවසීම හා කණ්ඩායම්වාදී ගැටුම් පාකිස්තානයේ මෙන්ම සෙසු දකුණු ආසියානු රටවල ද දක්නට ලැබෙන බරපතළ සමාජ ව්‍යාධියකි. ඉන්දියාවේ ඇසෑම් ප‍්‍රාන්තයේ මුස්ලිම් ආගමිකයින් හා බොඩෝ වාර්ගිකයින් අතර ගැටුම් ඇති වූයේ ද ආගමික නොඉවසීම නිසාය. මියන්මාරයේ රකන් ප‍්‍රදේශයේ රොහන්ගියා ඉස්ලාම් ආගමික කොටස් හා බෞද්ධයින් අතර ගැටුම් හට ගත්තේ ද එවැනිම හේතූන් නිසාය. එවැනි පසුබිමක ආගමික අන්තවාදීන්ගේ බලපෑමට හසුව ඇතැයි සැලකෙන පාකිස්තානයෙන් මෙවැනි ආදර්ශයක් වාර්තා වීම ඇත්තෙන්ම අගය කළ යුතු ප‍්‍රවණතාවකි. අන්තවාදීන් යැයි හංවඩු ගසා ඇති ඉස්ලාමීය ආගමික නායකයින් මෙම දැරියගේ ආරක්‍ෂාවට ඉදිරිපත් වීම අහඹු සිද්ධියකට වඩා අවබෝධයෙන් ගත් පියවරක් වන්නේ නම් එය පාකිස්තානයේ පවතින වියවුල්කාරී සංකීර්ණ දේශපාලන තත්ත්වයට සාමකාමී සහජීවන දේශපාලන මාර්ගයක් හෙළි පෙහෙළි කරගැනීමේ ආරම්භයක් මෙන්ම කලාපයේ සෙසු රටවලට ආදර්ශයක් ද වන්නේය. වැදගත්ම ආදර්ශය වන්නේ දේශපාලන නායකත්වයට වඩා ඉදිරියෙන් ඔවුන් සිටීමය.

සටහන: - මහින්ද හත්තක
ඉස්ලාම් පූජකවරයකු අත්අඩංගුවට ගත් අවස්ථාව ක‍්‍රිස්තියානි ක‍්‍රියාකාරීන්ගේ උද්ඝෝෂණයක් ක‍්‍රිස්තියානි ගැහැනු ළමයා වෙනුවෙන් පෙනී සිටින නීතිඥ තහීර් නවීඞ් සර්දාරි පකිස්තානයේ නිර්මාතෘ  මොහොමඞ් අලි ජින්නා  



අදහස් (0)

ආගමික අන්තවාදීන්ට පකිස්තානයෙන් ආදර්ශයක්

දමිත් Monday, 10 September 2012 05:30 AM

දෙවියන් නැති තැන සාමය ඇත. (නි)

:       0       0

ලාල් Friday, 07 September 2012 06:09 PM

තම්බි ඔහොමම තමයි. (නි)

:       0       0

දොන් Friday, 07 September 2012 06:53 PM

මධූ 2012-09-07 13:15:13 වඳ වෙලා යන ජාතියක් මධූගේ නමින්ම පෙනෙනවා එයා ඉන්නේ මධුවිතෙන් කියලා. දන්න දෙයක් ගැන කතා කළොත් නේද හොද? (නි)

:       0       0

නසාර් Saturday, 08 September 2012 12:58 PM

මධු, ඉස්ලාම් ආගම වෙනුවෙන් මැරිලා යන එක වුණත් වාසනාවක් කියලයි මම නම් හිතන්නේ. (නි)

:       0       0

සුනිල් Saturday, 08 September 2012 01:13 PM

සන්තෝසයි අහන්නත් (දී)

:       0       0

අජිත් Saturday, 08 September 2012 01:20 PM

පකිස්තානයේ ක‍්‍රිස්තියානි ක‍්‍රියාකාරීන්ට,යේසු පිහිටයි. ජේසුස් වහන්සේ අපට උදව්කරාවි.(ස)

:       0       0

සමන් Sunday, 09 September 2012 05:28 AM

මංජු සහ චන්දන, ඔබ දෙපළට මාගේ ගෞරවණීය ආචාරය! (නි)

:       0       0

ලලිත් - කටාර් Saturday, 08 September 2012 02:03 PM

මධූ, මම හිතන්නේ ඔයත් වඳ වෙලා යන ජාතියේ කෙනෙක් වෙන්න ඕනෑ. ඒකයි ඔහොම අදහස් පහළ වෙනවා ඇත්තේ. (නි)

:       0       0

මධූ Friday, 07 September 2012 01:15 PM

වඳ වෙලා යන ජාතියක්..(ස)

:       0       0

රිචර්ඩ් Tuesday, 11 September 2012 04:25 PM

අදහන අය අන්තවාදීන් වුවත් ආගම් අන්තවාදී නොවේ (නි)

:       0       0

රංග Sunday, 09 September 2012 09:19 AM

ඇත්තද ඔය කතාව (දී)

:       0       0

මන්ජු Friday, 07 September 2012 02:07 PM

අපි ඉපදෙනකොට අගමක්වත් ජාතියක්වත් අරගෙන අවේනැ ඉපදුනාට පස්සෙයි ආගම් වලට ජාති වලට ගියේ ඒ නිසා මනුස්සයෝ හැටියට අපි කැමති ආගමක් අදහන්ද නිදහස තියන්ඩ ඕන අපි අනිත් ආගම් වලට ගරු කරන්ඩ ඕන ඒකයි මනුස්සකම (ස)

:       0       0

පෙරේරා Sunday, 09 September 2012 09:28 PM

අවසානයේ ඇත්ත හෙළි වේවි. සියලු ආගම් හොද නමුත්, භයානක වන්නේ ශ්‍රද්ධාවයි. (නි)

:       0       0

චන්දන Friday, 07 September 2012 03:08 PM

'' මනුස්සයෝ හැටිඅපි අනිත් ආගම් වලට ගරු කරන්ඩ ඕන ඒකයි මනුස්සකම '' නම් උඩ බලාගෙන කෙල ගහ ගන්න එපා..(ස)

:       0       0

එරංග Sunday, 09 September 2012 11:13 AM

විකාර

:       0       0

ශාන් Sunday, 09 September 2012 12:09 PM

කිසිම ආගමක් අන්තවාදී නොවිය යුතුයි. (නි)

:       0       0

චන්ද්‍රසිරි Saturday, 08 September 2012 06:52 PM

සෞදියෙ වෙන්නේ මෙහෙම දේවල් තමයි..!!(නු)

:       0       0

ඔබේ අදහස් එවන්න

සයුරෙන් එතෙර

හිස්බුල්ලා ඊශ්‍රායලට පහරදෙයි
2024 අප්‍රේල් මස 23 68 0

ලෙබනනයේ හිස්බුල්ලා සටන්කාමීන් උතුරුදිග ඊශ්‍රායලයේ හමුදා මූලස්ථානයක් ඉලක්ක කර ගනිමින් රොකට් ප්‍රහාර මාලාවක් එල්ල කළ බව විදෙස් මාධ්‍ය පවසයි.


ඉරාන ජනපති පාකිස්තාන අගමැති හමුවෙයි
2024 අප්‍රේල් මස 23 294 0

දෙදින නිල සංචාරයක් සඳහා පාකිස්තානයට පැමිණ සිටින ඉරාන ජනාධිපති ඊබ්‍රහීම් රයිසි සහ පාකිස්තාන අග්‍රාමාත්‍ය ෂෙහ්බාස් ෂරීෆ් අතරේ හමුවක් ඉස්ලාමාබාද් අගන


ඊශ්‍රායල හමුදා බුද්ධි අංශ නායකයා ඉල්ලා අස්වෙයි
2024 අප්‍රේල් මස 22 3835 3

ඊශ්‍රායල හමුදා බුද්ධි අංශ ප්‍රධානී මේජර් ජනරාල් ඇරොන් හලීවා ඉල්ලා අස්විය. හමුදා බුද්ධි අංශ ප්‍රධානියා මෙසේ ඉල්ලා අස් වූයේ පසුගිය ඔක්තෝබර් 7 වැනිදා ඊශ්


චීනයේ නගර ගිලා බහිනවා
2024 අප්‍රේල් මස 22 351 0

චීනයේ ප්‍රධාන නගරවලින් අඩක් ගිලා බසිමින් පවතින බව විදෙස් මාධ්‍ය අනාවරණය කරයි. විදෙස් මාධ්‍ය මේ බව අනාවරණය කළේ ජගත් භූ විද්‍යාඥයන් ‘සයන්ස්’ විද්‍යා සඟ


ඉරාන ජනපති පාකිස්තානයට
2024 අප්‍රේල් මස 22 2516 0

ශ්‍රී ලංකා සංචාරට පෙර ඉරාන ජනාධිපති ඊබ්‍රහීම් රයිසි දෙදින නිල සංචාරයක් සඳහා පාකිස්තානයට පැමිණියේය. ඉරාන ජනාධිපති රයිසිට පාකිස්තාන අග්‍රාමාත්‍ය ෂෙහ


මැතිවරණයෙන් ජනපති මුයිසුගේ පක්ෂයට ජය
2024 අප්‍රේල් මස 22 73 0

මාලදිවයින පාර්ලිමේන්තු මැතිවරනයෙන්, දැඩි චීන හිතවාදියකු වන මාලදිවයින ජනාධිපති මොහොමඞ් මුයිසුගේ ‘ජනතා ජාතික කොංග්‍රසය’ දේශපාලන පක්ෂය විශිෂ්ට ජයක් හ


මේවාටත් කැමතිවනු ඇති

කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ 2024 අප්‍රේල් මස 09 269 0
කුරුලෑ කරදරය සදහටම අවසන්! Himalaya Purifying Neem Face Wash අලුත් වෙනසක් සමග නැවතත් ශ්‍රී ලංකාවේ

ස්වභාවික ශාකසාර අඩංගු ආයුර්වේදයේ විශිෂ්ඨත්වය රැඳි personal care සහ රූපලාවණ්‍ය නිෂ්පාදන පෙළක් සමග ලොව පුරා ජනතා විශ්වාසයට පාත්‍ර වූ දැවැන්ත සමාගමක් වන Himalaya Wellness

ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers 2024 මාර්තු මස 14 1619 0
ආදරයට ආදරෙන් ළංවෙන්න කියාදෙන කතාවක් Closeup #BreakTheBarriers

ආදරය යනු සියලු සීමාවන් ඉක්මවා යන විශ්වීය සංකල්පයකී. එයට හදවත් එකතු කිරීමේ අසීමිත බලයක් ඇත.සැබෑ ප්‍රේමයක් නිරන්තරයෙන් සියුම් ලෙස අප ආත්මයන් ස්පර්ෂ කරම

හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ 2024 පෙබරවාරි මස 19 1507 2
හලාල් කවුන්සිලය, ජාතික තත්ත්ව සම්මාන උළෙලේදී සම්මානයට පාත්‍ර වේ

ශ්‍රී ලංකා ප්‍රමිති ආයතනය (SLSI) විසින් සංවිධානය කරන ලද, ශ්‍රී ලංකා ජාතික තත්ත්ව සම්මාන උළෙල (SLNQA) 2022 හි ඉහළ ගුණාත්මකභාවය වෙනුවෙන් වූ කැපවීම ඇගයෙමින් හලාල් ප්

Our Group Site