IMG-LOGO

2025 පෙබරවාරි මස 07 වන සිකුරාදා


අවංක ඉන්දියානුවා ගිනි සිසිල් කරයි

පසුගිය පස් වැනි දා  මුම්බායි නුවර සිට ඩුබායි වෙත පැමිණි මම වැනීසිය වෙත පිටත්වන ඊළඟ ගුවන් යානයේ වෙලාව එන තෙක් ඩුබායි ගුවන් තොටුපළේ රැදී සිටියෙමි. අලුයම හතරේ සිට ගුවන් ගමනේ යෙදීමෙන් ඇති වූ නිදිමතත් තෙහෙට්ටුවත් මඟ හැරිම සඳහා ළඟම තිබු වැසිකිළිය වෙත ගියේ මුහුණකට සෝදා ගැනීමටය. ඒත් සමග ජංගම දුරකථනය නාද වන්නට විය. මුදල් පසුම්බිය ඇතුළු වටිනා ලියකියවිලි තිබු කුඩා බෑගයෙන් ජංගම දුරකථනය එළියට ගත් මා ඇමතුමට පිළිතුරු දී අවශ්‍ය කාරණය ඉටුකර ගත්තෙමි.

නැවතත් වැනීසිය බලා පිටත්වන ගුවන් යානයට මගින් ඇතුළු කරගන්නා කවුළුව ආසන්නයට පැමිණි මා එහි තිබු පුටුවක හාන්සි වුයේ ගුවන් ගමනට තවත් පැය දෙකකට ආසන්න කාලයක් තිබු බැවිනි. නොදැනුවත්ම නිනද ගියේය. විනාඩි හතළිහකට පසු අවදි වූ මා අන්ද මන්ද වුයේ මුදල් පසුම්බියත් ජංගම දුරකථනයත් ගමන් බලපත්‍රයත් ඉතාලියේ ස්ථිර රැදී සිටීමේ බලපත්‍රයත් ඇතුළු ලියකියවිලි  නොමැති කුඩා බැගය මා අසල නොමැති නිසා වෙනි. සිදු වූ අතපසුවිම මතක් වුවත් බෑගයේ ආසාව මා අත්හැර ගත්තෙමි. නැවතත් වැසිකිළිය වෙත ගිය මා බෑගය සෙව්වත් එය එහි නොතිබුණි. වැසිකිළිය හා ඒ අවට පිරිසුදු කරමින් සිටි තරුණයකුගෙන් මා නැති වූ කුඩා බැගය ගැන විමසුවෙමි.

එන්න මා සමඟ ගතවුයේ විනාඩි දෙකකි. ගිනි කන්දක් ලෙසින් ගිනියම් වූ මා ගත ඔහු සිසිල් කළේය. අසු දහසක් වටිනා ජංගම දුරකථනයත් ඉතාලියේ ස්ථිර රැදී සිටීමේ බලපත්‍රයත් ගුවන් ගමන් බලපත්‍රයත් මුදලින් යුරෝ 300ක් ඇතුළු බැංකු කාඩ් පතද එලෙසින්ම කුඩා බෑගයේ විය. මුහුණ සෝදා ගැනීමට වැසිකිළිය වෙත ගිය මා එය අවසන් වනවාත් සමග විදේශිකයින් දෙදෙනෙකු අතර ඇති වූ බහින් බස් වීමත් සමග මා එම ස්ථානයෙන් විගස පිට වුයේ මා සතු වටිනා සියලු දේ එහි තිබියදී ලාකෙෂ් කුට්ටි නම් අවංක ඉන්දියානුවා සදා කල් මා මතකයේ රැදෙනු ඇත.



අදහස් (0)

අවංක ඉන්දියානුවා ගිනි සිසිල් කරයි

රංග Wednesday, 16 September 2015 01:48 AM

මනුස්සකම අද දුර්ලභය (නි)

:       0       0

සමාධි Wednesday, 16 September 2015 01:44 PM

ඇත්තටම මේ වගේ මිනිස්සුන්ව අනිවාර්යෙන් අගය කළ යුතුයි.අද සමාජයේ මේ වගේ අය ගොඩක් අඩුයි. ඒ වගේම සුපුන්ගේ අදහසට මමත් එකඟයි. (අ)

:       0       0

තිලකසිරි Wednesday, 16 September 2015 02:14 AM

ඔහු වෙනුවෙන් සුපුන් කළ යෝජනාව අගය කරමි. මෙම ලිපිය ඉන්දියානු පුවත්පතක පළකළ හැකි නම් තවත් වටී. (නි)

:       0       0

තිළිණ Tuesday, 15 September 2015 12:51 PM

මෙහෙම අය දැන් හරි අඩුයි (නි)

:       0       0

රෂින්ත Wednesday, 16 September 2015 03:01 AM

හෙඳ මනුස්සයෙක්. (ම)

:       0       0

ධනුසේන සමරසිංහ Wednesday, 16 September 2015 09:05 AM

ඉංදියානු සේවකයාගේ එම ක්‍රියාව අගයකොට ගුවන්තොටුපල බලදාරීන් දැනුවත් කර ඔහුට ප්‍රතිඋපකාරයක් ලෙස ඔහුගේ සේවා තත්ත්වය උසස් කිරීමේ හැකිනම් ?...!(ම)

:       0       0

රත්නායක ආරච්චිගේ Wednesday, 16 September 2015 03:12 AM

ඇත්ටටම කතාව අදහාගන්නටත් අමාරුයි.මොන ජාතිකයෙක් වුණත් ඔහු නියම මනුස්සයෙක්. අපි ඔහුට සුබ පතමු! (නි)

:       0       0

නාලක Wednesday, 16 September 2015 03:28 AM

මෙවැනි දේවල් පුවත්පත් වල පළකිරීම ඉතා වටිනවා. (නි)

:       0       0

ඉනෝකා Wednesday, 16 September 2015 09:16 AM

අවංක සේවකයෙක්.ඔහුට කිසියම් කළගුණ සැලකීමක් කරන්නට වෙනවා.ඩුබායි වල නීතිරීතිත් තද නිසා කිසිකෙනෙක් අන්සතු වස්තුන් ගැනීමට බිය වෙනවා.ඩුබායි වලට ගියාම එන්න හිතෙන්නේ නැති තරම්.සුන්දර මිනිසුන් වසන සුන්දර රටක්.(බ)

:       0       0

රජීව් Wednesday, 16 September 2015 03:31 AM

සුපුන්ගේ අදහස හොඳයි. අවංක පුද්ගලයෙක් (නි)

:       0       0

දසුන් Tuesday, 15 September 2015 02:46 PM

අරාබි රටකදි කවුරු හරි සතයක් හරි හොරෙන් අරගත්තොත් ජාතිය වර්ගය නොබලා දෙන්නේ අත කපනවා වගේ උපරිම දඬුවම්. ඒ හින්දා හොරකම් කොහොමත් අඩුයි. (හේ)

:       0       0

කුමාර Tuesday, 15 September 2015 02:50 PM

අවංක කමට ආයුෂ වැඩිවේ.(හේ)

:       0       0

ගනේෂ් Wednesday, 16 September 2015 03:59 AM

රමාදී නම් විදේශ රටක නගරයකදී, එහි සාප්පුවක සේවය කළ ලංකාවේ කෙනෙකුගේ මුදල් පසුම්බියක් මට හමු වූ අතර අදාළ පුද්ගලයාට එය නැවත බාර දුන්නෙමි. එහි ඔහුගේ වැදගත් ලියකියවිලි සහ ඇමෙරිකන් ඩොලර් 5000 කට අධික මුදලක් තිබිණි. ඔහු කළුතර ප්‍රදේශයේ වාසය කරන බව දැනගත්තෙමි. එම සිදුවීම මතකයට නැ‍ඟෙන සෑම වරකදීම මගේ හිතට සතුටක් ඇතිවෙනවා... (නි)

:       0       0

විජේතුංග Wednesday, 16 September 2015 04:06 AM

හරිම අවංක කෙනෙක් (නි)

:       0       0

ඉසුරන්දි Wednesday, 16 September 2015 04:37 AM

මේ සමාජයේ මේ වගේ මිනිස්සු හොයාගන්න හරිම අමාරුයි.ලොකු උදව්වක් මේ මනුස්සයට කළගුණ සළකනවා නම්. (නි)

:       0       0

කෝදාගොඩ Wednesday, 16 September 2015 10:03 AM

සුපුන්ගේ අදහස මමත් අනුමත කරනවා. පැසසියයුත්තන් පැසසීම වැදගත් (නි)

:       0       0

පාල Wednesday, 16 September 2015 05:33 AM

සුපුන් ගේ යෝජනාවට මමත් කැමති.ඔබ කියන ඊමේල් බටහිර ජාතින් විසින් නිතර එවනවා පාලනාධිකාරියට.ලංකාවේ හෝටල් වල වැඩ කරන අය දන්නවා ඇති. ඇතැම් හෝටල් සේවකයෝ සුද්දෝ විදියට පාලනාධිකාරියට තමන් ගැන හොඳ කියල ඉ මේල් අරිනවා.දැන් පාලනාධිකාරිය සුද්දන්ගේ ඊමේල් ගනන්ගන්නෙත් නෑ ඒ නිසා. (බ)

:       0       0

දර්ශා Wednesday, 16 September 2015 05:55 AM

අපිත් පුරුදු වෙමු !!! (බ)

:       0       0

මනෝ Wednesday, 16 September 2015 05:59 AM

අගය කලයුතු පුද්ගලයෙක්. ඉන්දියාවෙදි දුම්රියකින් බහිනකොට මුදල් පසුම්බිය වැටුණා. තත්පර කීපයයි ගියේ ඒක අතුරුදහන් වෙන්න. මේ ඉන්දියානුුවා අගය කළ යුතුයි. (ම)

:       0       0

කොස්වත්ත Thursday, 17 September 2015 08:01 PM

ඔව් බොහොම සන්තෝෂයි. ඔහුට තෑග්ගක් දුන්නේ නැද්ද? (නි)

:       0       0

ඉමේෂ් Wednesday, 16 September 2015 06:12 AM

කට්ටිය මොකද කියන්නේ? එහෙනම් සීපා ගිවිසුම ගහමුද? (නි)

:       0       0

චරිත Tuesday, 15 September 2015 05:17 PM

මේ වගේ හොඳ දේවල් වලට අදහස් දාන්න කට්ටිය හරිම අඩුයි (නි)

:       0       0

පිටබැද්දර ජයා Thursday, 17 September 2015 10:57 PM

හැම ශ්‍රී ලාංකිකයෙක්ම නරක නැත, හැම ඉන්දියානුවෙක්ම හොඳත් නැත (නි)

:       0       0

දිනේෂ් Sunday, 20 September 2015 12:18 PM

ඔබගේ සද්ක්‍රියාව අගයමු. ඔබට ජය. (නි)

:       0       0

අසේල Wednesday, 16 September 2015 07:18 AM

ඇත්තටම ඔහු හොඳ කෙනෙක්. ඊටත් වඩා මේක මේ රටේ හැටි. මොකද මේ රටේ නීතිය තදයි. හැමතැනම කැමරා තියෙනවා. ඉතින් කව්රුත් වැරැද්දක් කරන්න බයයි. ඒ වගේම මේ රටේ මිනිස්සුන්ගේ ආකල්පත් වෙනස් වෙලා. ඉතින් අනුන්ගේ දෙයක් ගන්න හිතෙන්නේ නේ.. ලෝකේ තියෙන හොදම රටක් ඩුබායි (බ)

:       0       0

චන්දි Wednesday, 16 September 2015 12:21 PM

ඇත්තට හොද මනුස්සයෙක්, මමත් පෙර දිනක ඔය වගේ දෙයක් කළා මතකයි මම එදා ඒ පර්ස් එක නුදුන්නානම් ඔහුගේ විවාහයත් කල් දමන්න වෙනවා මොකද ඔහුගේ හැදුනුම් පතත් බැංකු කාඩ් සියල්ලක්ම තිබුනේ එම පර්ස් එකෙයි ඔහුගේ නමින් කඩවල් වලින් අහගෙන තමයි එය ඔහුට භාර දුන්නේ (බ)

:       0       0

සුපුන් Tuesday, 15 September 2015 07:59 PM

ඔහුගේ නමත් සිදුවුණ සිද්ධියත් විස්තර කර පාලනාධිකාරියට ඊ- මේල් එකක් යවන්න. එවැනි දෙයක් කළොත් පාලනාධිකාරිය එම අවංක සේවකයා ගැන පැහැදීමක් ඇතිකර ගනීවි.ඔහුගේ ඉදිරි උසස්වීම් වලදී මෙන්ම රැකියා කප්පාදුවකදී ඉන් ගැළවීමටත් ඔබේ ඊ-මේල් එක අවංක ඉන්දියානුවට වැදගත් වෙයි. (නි)

:       0       0

සන්තුෂ් Tuesday, 15 September 2015 09:00 PM

හොඳ මහත්මයෙක් (නි)

:       0       0

දුමින්ද Friday, 18 September 2015 02:11 AM

මිනිස්කමට ජාතියක් නොමැත (නි)

:       0       0

ඔබේ අදහස් එවන්න

 

 

සයුරෙන් එතෙර

ආසියානු ශීත ක්‍රීඩා උළෙල චීනයේ
2025 පෙබරවාරි මස 07 177 0

නවවැනි ආසියානු ශීත ක්‍රීඩා උළෙල අද (7) සිට 14 දක්වා ඊසානදිග චීනයේ හෙයිලොංග්ජියැං පළාතේ හාර්බින් කේන්ද්‍රකොට ගනිමින් ආරම්භ පැවැත්වෙයි.


සංක්‍රාන්ති ලිංගික ක්‍රීඩක ක්‍රීඩිකාවන්ටත් තහංචියක්
2025 පෙබරවාරි මස 06 286 0

සංක්‍රාන්ති ලිංගික ක්‍රීඩක ක්‍රීඩිකාවන් කාන්තා ක්‍රීඩා ඉසවුවලට සහභාගී වීම තහනම් කරමින් ඊට අදාළ විධායක නියෝගයට ඇමෙරිකන් ජනාධිපති ඩොනල්ඩ් ට්‍රම්ප් අ


ඇමෙරිකාවෙන් පිටුවහල් කළ ඉන්දියානුවෝ ආපසු ඉන්දියාවට
2025 පෙබරවාරි මස 06 439 0

නීතිවිරෝධී සංක්‍රමණිකයන් ලෙස ඇමෙරිකන් ආරක්ෂක අංශ භාරයේ සිටි ඉන්දීය ජාතිකයන් 104 දෙනකු හමුදා ගුවන් යානයකින් යළි ඉන්දියාවට එවීමට, ඇමෙරිකා රජය කටයුතු කළේ


ගාසාව අත්පත් කරගැනීමේ ට්‍රම්ප් යෝජනාවට විරෝධය
2025 පෙබරවාරි මස 06 204 0

පලස්තීනුවන්ට අයත්, පලස්තීනුවන් වෙසෙන ගාසා තීරය ඇමෙරිකාවේ පාලනයට ගෙන, එය සංවර්ධනය කර ආපසු පලස්තීනුවන්ට පවරා දීමට, ඇමෙරිකන් ජනාධිපති ඩොනල්ඩ් ට්‍රම්ප්


ලෝක සෞඛ්‍ය සංවිධානයෙන් ඉවත් වෙනවා
2025 පෙබරවාරි මස 06 94 0

ජනාධිපති ඩොනල්ඩ් ට්‍රම්ප්, ඇමෙරිකාව ලෝක සෞඛ්‍ය සංවිධානයෙන් ඉවත් කර ගැනීමට තීරණය කිරීමත් සමඟ, ලතින් ඇමෙරිකාවට අයත් ආජන්ටිනාව ද ලෝක සෞඛ්‍ය සංවිධානයෙන්


USAID කාර්යමණ්ඩල ආපසු කැඳවයි
2025 පෙබරවාරි මස 05 177 0

එක්සත් ජනපද ජාත්‍යන්තර සංවර්ධනය සඳහා වූ ඒජන්සිය (USAID) ගෝලීය වශයෙන් සෘජුවම බඳවා ගත් සියලුම සේවකයන්ට නිවාඩු ලබා දෙන බවත්, විදේශයන් හි සේවය කරන දහස් ගණනක් ස


මේවාටත් කැමතිවනු ඇති

උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ 2025 ජනවාරි මස 23 101 0
උසස් පෙළින් පසු ඔබේ අනාගතය සැලසුම්කරන්න NSBM “Meet Your Lecturer” මේ සතිඅන්තයේ

මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM

“NSBM Edu Fair” උසස් අධ්‍යාපන  ප්‍රදර්ශනය  මේ සති අන්තයේ කොළඹ සහ මහනුවර දී 2025 ජනවාරි මස 08 814 0
“NSBM Edu Fair” උසස් අධ්‍යාපන ප්‍රදර්ශනය මේ සති අන්තයේ කොළඹ සහ මහනුවර දී

NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.

HUTCH ශ්‍රී  ලංකාවේ උසම නත්තල් කුළුණ සමගින් ශ්‍රී  ලාංකිකයන්ගේ බලාපොරොත්තු දල්වයි. 2024 දෙසැම්බර් මස 24 757 2
HUTCH ශ්‍රී ලංකාවේ උසම නත්තල් කුළුණ සමගින් ශ්‍රී ලාංකිකයන්ගේ බලාපොරොත්තු දල්වයි.

අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ

Our Group Site