( කාංචන කුමාර ආරියදාස ලග්ගල සිට)
 
තමා ඉදිරියේදී මෙරට ජනාධිපති වූ විට සමෘද්ධිලාභීන් හට  සමෘද්ධි ආධාරයට අමතරව නැවතත්  ප්‍රේමදාස ජනපති යුගයේ ආරම්භ කළ ජනසවි සහනාධාරය ලබාදීමට තමා තීරණය කළබව ජනපති අපේක්ෂක සජිත් ප්‍රේමදාස මහතා අද (19) ලග්ගල ප්‍රදේශයේ පැවති ජන හමුවකදී පැවසීය.

එමෙන්ම මැණික් කර්මාන්තය සඳහාද විශේෂ වරප්‍රසාද රැසක් ලබාදීමට තමන් ඉදිරියේදී බලාපොරොත්තු වන බවද සජිත් ප්‍රේමදාස මහතා සඳහන් කළේය.
 
ලග්ගල එක්සත් ජාතික පක්ෂ ආසන සංවිධායිකා රෝහිනී විජේරත්න මහත්මිය සංවිධානයකර තිබූ මෙම ජනහමුව සඳහා අග්‍රාමාත්‍ය රනිල් වික්‍රමසිංහ මහතා ද එක්ව සිටීම විශේෂත්වයකි.
 
රෝහිනී විජේරත්න, වසන්ත අළුවිහාරයේ, මුජිබර් රහුමන්, හිරුණිකා ප්‍රේමචන්ද්‍ර, රාජිත සේනාරත්න යන මන්ත්‍රීවරු මෙම අවස්ථාවට එක්ව සිටියහ.