(නිමල කොඩිතුවක්කු)

බැංකු පද්ධතියට දේශපාලන ඇඟිලි ගැසීම් සිදුකර බැංකු ක්ෂේත්‍රය දුර් වල කරන්න එපා යැයි  රජයෙන් ඉල්ලා සිටින බව හිටපු පාර් ලිමේන්තු මන්ත්‍රී ඉරාන් වික්‍රමරත්න මහතා කොළඹදී පැවසීය.

මේ ආණ්ඩුව නාඩගම් නටමින් ජනතාව රැවටීමේ ප්‍රථිපල අගොස්තු පස්වෙනිදා ඒ අයට භුක්ති විදීමට ලැබෙනු ඇතැයිද වික්‍රමරත්න මහතා සඳහන් කළේය.

සමගි ජනබලවේගයේ පක්ෂ කාර්යාලයේ  අද (18) පැවති මාධ්‍ය හමුවකට එක්වෙමින් ඔහු මේ බව  පැවසීය.

එහිදී වැඩිදුරටත් අදහස් දැක්වූ හිටපු පාර් ලිමේන්තු මන්ත්‍රී ඉරාන් වික්‍රමරත්න මහතා මෙසේද කීය.

     “ජනාධිපතිතුමන් පසුගියදා  මහබැංකු නිලධාරින් කැඳවා ටෙලිනාට්‍යයක් රඟදැක්වුවා.  එම නාට්‍යයේ වීරයා ජනාධිපතිතුමන්. දූෂ්ටයන්  බැංකු නිලධාරින්.  කලින් කලට මේ වගේ නාට්‍ය රඟදක්වනවා. ජනතාව විදියට අපි මේවට ඇන්දෙන්න යන්න හොද නැහැ.

ජනාධිපතිවරණයට කලිනුත් මාධ්‍ය සංදර්ශන  තියලා රාජ්‍ය සේවකයන්, විදෙස් ශ්‍රාමිකයන් ඇන්දුවා.  අද ඒ අය කොරෝනා බොමේබ, වසංගත වෙලා.

මහබැංකු අධිපති, මුදල් අමාත්‍යාංශයේ ලේකම්, මුදල් ඇමති පත්කළේ කවුද කියලා අපි ජනාධිපතිතුමන්ගෙන් අහන්න කැමතියි. මේ ඔක්කොම පත් කළේ ජනාධිපතිතුමයි. එහෙනම් ඒ අය තමයි අස්වෙන්න ඕන. ජනතාව රැවටීමේ ප්‍රතිපල අගොස්තු පස්වෙනිදා ඒ අයට භුක්ති විදින්න ලැබෙනවා.

ජනාධිපතිවරණයට පෙර ගෝඨාභය රාජපක්ෂ මහතා “ ගෝඨාභය රට හදන සෞභාග්‍යයේ දැක්ම” ඉදිරිපත් කළා. මේ ඉදිරිපත් කරපුවයින් කියක් කලාද කියලා අපි අහනවා.   ජනාධිපති කෙනෙක් පත්වෙලා මාථස අටක් වෙනවා. ඔය රගපැම් ඇරෙන්න වෙන මොනවත් කරලා නැහැ.

මේ ඇතිවෙලා තියෙන ආර් ථික අර් බුදය කොරෝනා නිසා ඇතිවුන ප්‍රශ්නයක් නෙමෙයි. කිසිම සැලසුමකින් තොරව කටයුතු කිරිම නිසා තමයි අද අපේ ආර් ථිකය මේ තරම් බරපතල අර්බුදයකට ලක්වෙලා තියෙන්නේ.

අපිට  බදු ගහනවා බදු ගහනවා කියලා කතාවක් හැදුවා. අපි ඒ ආදායම් අරගෙන අධ්‍යාපනයටය, සෞඛ්‍යයටයි වැයකරන මුදල් වැඩිකලා. එහි ප්‍රතිපල  නිසා තමයි අද රට මේ තත්ත්වයෙන් හරි යන්නේ.  ආර් ථිකය පිළිබඳ කිසීම දැනුමක් නැතුව ඇවිත් දැන්  අකාර් යක්ෂම මූල්‍ය පාලනයක් මේ අය ගෙනයනවා.

දැන් තමන්ගේ  නොහැකියාව වහ ගන්න මහබැංකු-වේ  නිලධාරින් ගෙනල්ලා බිය ගන්වලා මේ නාටකය ඉදිරියට ගෙනියන්න  වෑයම් කරනවා. හරිගියොත් තමන්ට වැරදුනොත්  නිලධාරින් මේක තමයි අද රජයේ ප්‍රතිපත්තිය බවට පත්වෙලා තියෙන්නේ.

බැංකු ක්ෂේත්‍රය දුර්වල කරන්න එපා කියලා අපි මේ රජයට කියනවා.  දේශපාලඥයන් බැංකුවල පද්ධතියට  ඇගිලි ගහන්නේ නැතුව ඉදිරියට ගෙනියන්න ඉඩ දෙන්න කියලා අපි මේ රජයෙන් ඉල්ලා සිටිනවා” යැයිද ඔහු එහිදී පැවැසීය.