තරිඳු ජයවර්ධන
 
වව්නතිවුහිදී පොලිස් නිලධාරීන් දෙදෙකු ඝාතනය කිරීමේ සිද්ධියට අදාලව එක් සැකකරුවකු කිලිනොච්චි ප්‍රදේශයේදී අත්අඩංගුවට ගත් බව පොලිසිය කියයි.
 
මෙම සැකකරු ඊට දිනකට පෙර වව්නතිවු ප්‍රදේශයට ගොස් ඇති බවත්, ඒ හේතුවෙන් ඔහු අත්අඩංගුවට ගත්තත් නිශ්චිතවම ඔහු මේ අපරාධයට සම්බන්ධදැයි මෙතෙක් ප්‍රකාශ කළ නොහැකි බවත් පොලිසිය පවසයි.
 
ඊයේ දින සිට මෙම පුද්ගලයා අත්අඩංගුවට ගැනීම සඳහා කිලිනොච්චියේ ඔහුගේ නිවස අවට පොලිස් රැකවල්ලා තිබී ඇත. පොලිසියෙන් ඔහුගේ නිවසට යන විට ඔහු සිට නැති අතර ඔහු නිවසට පැමිණි පසු පොලිසිය ආවේ ඇයිද බැලීමට පොලිස් ස්ථානයට පැමිණි අවස්ථාවේ ඔහු අත්අඩංගුවට ගෙන තිබේ.
 
එම පුද්ගලයා 48 හැවිරිදි අයෙකි.