(ඩයනා උදයංගනී)

ජනාධිපතිවරයා විසින් ඇති කළ අර්බුදය සමථයකට පත් කළ හැක්කේ ද ජනාධිපතිවරයාටම බව ජනතා විමුක්ති පෙරමුණේ ප‍්‍රචාරක ලේකම්, පාර්ලිමේන්තු මන්ත‍්‍රී විජිත හේරත් මහතා පැවසීය.

දැනට ඇති වී තිබෙන ගැටුම්කාරී තත්ත්වය දිගින් දිගමට ඇදී යාම වැළැක්වීමට නම් ජනාධිපතිවරයා දැන්වත් පරාජය පිළිගෙන ව්‍යවස්ථාවට අනුව පියවරක් ගත යුතු බව ද මන්ත‍්‍රීවරයා කීවේය.

මේ වන විට මහින්ද රාජපක්‍ෂ මහතා ප‍්‍රධාන රජය විශ්වාසභංග දෙකකින්ම පරාජයට පත්වී ඇති නිසා රටේ අග‍්‍රාමාත්‍යවරයෙක් හා ඇමැති මණ්ඩලයක් නැති බව කී විජිත හේරත් මහතා බහුතරය පිළිගෙන නව අගමැතිවරයෙක් හා ඇමැති මණ්ඩලයක් පත්කිරීමට ජනාධිපතිවරයා කටයුතු කළ යුතු බව ද සඳහන් කළේය.

විජිත හේරත් මහතා මේ බව පැවසුවේ පාර්ලිමේන්තුවේදී අද (16) පැවති මාධ්‍ය හමුවක් අමතමිනි.

තම හිස තුවාල වුයේ මන්ත්‍රීවරයකු විසින් ආණ්ඩුක්‍රම ව්‍යවස්ථාවෙන් එල්ල කරන ලද ප්‍රහාරයක් නිසා බව මාධ්‍ය හමුවක දී තම හිස පෙන්වමින් පැවසීය.