IMG-LOGO

2025 අප්‍රේල් මස 21 වන සඳුදා


යාන් ඔයේ වැලි කැණිම් කළ බැකෝ යන්ත්‍ර යටවෙයි

පැතුම් දර්ශන
 
 
නොසිතූ පරිදි පහළ යාන් ඔය ව්‍යාපෘතියට ජලය පිරවීමත් සමඟ එහි වැලි කැණීම් කළ තමන් සතුව තිබූ බැකෝ යන්ත්‍ර හතක්, වැලි සෝදන යන්ත්‍ර 50ක්, විදුලි උත්පාදක යන්ත්‍ර දහයක් ,ජල මෝටර් 50ක් ,ටිපර් රථ එකක්, සහ ගොඩ දමා තිබූ වැලි කියුබ් අසුදහසක්, සම්පූර්ණයෙන් ජලයට යට වී වැලි ව්‍යාපාරිකයෝ පවසති.
 
මෙලෙස යටවූ දෑ වල වටිනාකම රුපියල් කෝටි සියයකට ආසන්න  බව ඔවුහු කියති.
 
භූ විද්‍යා හා පතල් කැණීම් කාර්යංශය මඟින් දුන් නීත්‍යනුකූල බලපත්‍ර ලබාගෙන රජයට ගෙවිය යුතු බදු මුදල් ද ගෙවා  වැලි කැනීම් සිදුකර තිබියදීත් තමන්ට සිදුව ඇති පාඩුව දරාගත නොහැකි බවද ඔවුහු පවසති.
 
වැලි ව්‍යාපාරිකයින් පවසන්නේ වාරිමාර්ග දෙපාර්තමේන්තුව නිසි අධ්‍යයනයකින් තොරව යාන් ඔය ජලාශයට ජලය පිරවීම හේතුවෙන් තමන්ට මෙවන් විපතකට මුහුණ දීමට සිදුවි ඇති බවයි.
 
පහළ යාන්ඔය ව්‍යාපෘතියෙ ජලයෙන් යටවන ප්‍රදේශවල වැලි කැණීම් සඳහා මුලින්ම අවසර ලබාදුන්නේ 2015 වසරේදීය. එතැන් පටන් අවස්ථා කිහිපයකදී බලපත්‍ර දීම තාවකාලිකව නවතා දැමුණ ද 2018 වසරේ අගෝස්තු මාසයේ අග භාගය දක්වා බලපත්‍ර ලබාදීම සිදුකෙරිණි.
 
එහිදී දිවයිනේ විවිධ ප්‍රදේශ වලින් පැමිණි ව්‍යාපාරිකයන් 200 කට ආසන්න පිරිසක් වාහල්කඩ, මාවතවැව, අලියාකඩ, වාගොල්ලාකඩ, යන ප්‍රදේශවල වැලි කැනීම් වල නිරත වූහ.
 
මේ පිළිබඳව අදහස් දැක්වූ වැලි ව්‍යාපාරිකයකු මෙසේද කීය.
 
"අද අපිට හිඟා කන්න වෙලා තියෙන්නේ. අනපේක්ෂිත විදිහට ජලාශයට වතුර පෙරෙව්වා. ඒ වෙනකොට අපි ආයෝජනය කරලා ඉවරයි. ප්‍රායෝගික හේතු මත එකපාර වතුර පිරෙන කොට අපට වැලි ඉවත් කරගන්නවත් අපේ මැෂින් ඉවත්කර ගන්නවත් විදිහක් නැති වුණා. 


2018 වසරේ අගෝස්තු මාසයේ අග භාගයේ මුලින්ම කැණීම් බලපත්‍ර දෙනකොට ජලාශයට වතුර පුරවනවා කියල කිව්වෙ නෑ. ඒ නිසා අපි ආයෝජනය කලා. අපි රජයට මේ වෙනකොට කෝටි සියයකට වැඩි ප්‍රමාණයක් ගෙවලා තියෙනවා. වැඩ කරගෙන යනකොට අපට කිව්වා වතුර පුරවනවා කියලා. ඒ වෙනකොට අපට කරන්න දෙයක් තිබුණෙ නැහැ. දැන් අපි ගොඩ දාපු වැලි ඔක්කොම යටවෙලා. අපේ භාණ්ඩ ගොඩක් යට වෙලා. වාරිමාර්ග දෙපාර්තමේන්තුව මේකට වග කියන්න ඕනෙ.අපි හතර වටේට ණය වෙලා . ජලාසේ පිරෙව්වට වැඩක් නෑ කිසිම ප්‍රයෝජනයක් නෑ. වම් ඉවුර දකුණු ඉවුර තාම වැඩ ඉවර කරලා වත් නෑ. බොරුවට වතුර පුරවගෙන."
 
මේ සම්බන්ධයෙන් අප පහළ යාන්ඔය ව්‍යාපෘතියේ අධ්‍යක්ෂ උදය හේමකුමාර මහතාගෙන් කළ විමසීමේදී ඔහු මෙසේ කීය.
 
 
" දකුණු ඉවුරේ අපට දැන් වතුර දෙන්න පුළුවන්. අපට පරික්ෂා කරන්න ඕනෙ කම තිබුණා. ඒ නිසා වතුර දෙපාරකට පෙරෙව්වා. හැම ගේට්ටුවක්ම පරීක්ෂා කරලා බැලුවා. වතුර එන්නේ මේ කාලයේ විතරයි. අපි කිව්වා නොවැම්බර් 1 වැනි දා වතුර පුරවනවා කියලා. ඒත් මේ අය එක විශ්වාස කළේ නෑ. දැනට වතුර අඩු කරන්න බෑ . නමුත් මාර්තුවලින් පස්සෙ ටික ටික වතුර අඩු වෙනවා. මාර්තු වලින් පස්සේ තමයි අපි වතුර අඩු කරන්නේ. මම දැන් පාරු දෙකකට අවසර දීලා තියෙනවා වතුරට යටවෙලා තියෙන මැෂින් ගන්න. නැවත වැලි කැණීම් වලට කිසිම අවසරයක් දෙන්නේ නැහැ.නමුත් ගොඩ දාලා තියෙන වැලි ටික ඇදගන්න අපි අවසර දෙනවා."



අදහස් (7)

යාන් ඔයේ වැලි කැණිම් කළ බැකෝ යන්ත්‍ර යටවෙයි

රවින් Monday, 11 February 2019 06:18 AM

දැන් ඔය වතුර පිරුණේ එක දවසින්ද?

:       2       168

vipula Monday, 11 February 2019 06:25 AM

ලංකාවේ ජීවත් වෙන බව හැමවිටම සිහිතබාගන්න.

:       0       110

Amara Monday, 11 February 2019 07:21 AM

වැලි ඉතාමත් ගණන් කොච්චර අවසර දුන්නත්

:       1       47

kule Monday, 11 February 2019 07:54 AM

කොයි පැත්තෙත් පන්ඬිතයෝ ඉන්නවනේ

:       0       18

uddika Monday, 11 February 2019 11:42 AM

දැන් ඔය වතුර පිරුණේ එක දවසින්ද?

:       0       38

amila Monday, 11 February 2019 03:49 PM

කුඩා කිවේ ණය වෙලා ගන්න කියලා. තණ්හා තිබුණට වේලි ඔක්කොම ගොඩදාන්න දඟලන්න ඇති.. වතුර වැඩි වෙන එක තේරුනේ නැති එක මේ මෝඩයින්ට දැනුනේ නැති එක පුදුමයි. දැන් අායෙත් මේවට වන්දි දෙන්න කියලා මෙයාලා උද්ඝෝෂණයක් කරයිද දන්නේ නැහැ. බලෙන් වේලි හාරන්න කිව්වේ නැති නිසා රජයට කරන්න දෙයක් නැහැ. මේකෙදි අර ගෙවල් යටවුණු අය ගෙන බැලුවට කමක් නැහැ.

:       0       34

bo Thursday, 14 February 2019 12:37 AM

හොඳ වැඩේ, පරසරය වනසන අය. තණ්හාව නිමක් නැත.

:       0       0

ඔබේ අදහස් එවන්න

 

 
 

එසැණ පුවත්

පාස්කු සටන් විරාමයේ රුසියාව මිසයිල ගහලා
2025 අප්‍රේල් මස 21 163 0

පැය 30 ක පාස්කු සටන් විරාමය ප්‍රකාශයට පත්කර පැය කීපයක් ගතවන්නටත් මත්තෙන් රුසියාව ඩ්‍රෝන 96 ක් සහ මිසයිල 3 ක් භාවිත කරමින් යුක්රේනයේ ප්‍රදේශ කීපයකට ප්‍රහා


තැපැල් ඡන්දයේදී අනන්‍යතාව තහවුරු කරන්න ලියවිලි 5ක්
2025 අප්‍රේල් මස 21 76 0

පළාත් පාලන මැතිවරණයේදී තැපැල් ඡන්දය ප්‍රකාශ කිරීමට අනන්‍යතාව තහවුරු කළ හැකි පිළිගත් ලියවිලි 5 ක් මැතිවරණ කොමිෂන් සභාව නිවේදනය කර තිබේ.


අවුරුදු පහමාරක්ම තිබුණේ පාස්කු විමර්ශන යට ගහන ආණ්ඩු
2025 අප්‍රේල් මස 21 215 0

පාස්කු ප්‍රහාරය සිදුවී ගෙවුණු අවුරුදු හයෙන් පහ මාරක්ම තිබුණේ පාස්කු ප්‍රහාරයේ විමර්ශන කරන ආණ්ඩු නොව විමර්ශන යටපත් කරන ආණ්ඩු බව ජනාධිපති අනුර කුමාර ද


ජනාධිපති ප්‍රමුඛ ආණ්ඩුව රටටම බොරු කළා
2025 අප්‍රේල් මස 21 421 0

පාස්කු ඉරුදින ත්‍රස්ත ප්‍රහාරයේ මහා මොළකරුවා හෙළිකරන්නේ යැයි මහා විශාලා ඝෝෂාවක් නගමින් වර්තමාන අණ්ඩුව අසත්‍ය ප්‍රකාශ කළේ යැයි මේ වන විට රටටම පැහැදි්


ආහාර සුරක්ෂිතතා කමිටුව හය වන වරටත් රැස්වේ
2025 අප්‍රේල් මස 21 211 0

රටේ ආහාර සුරක්ෂිතතාව තහවුරු කිරීමට අදාළව ප්‍රතිපත්තිමය තීන්දු ගැනීම සඳහා වන ආහාර සුරක්ෂිතතා කමිටුව කොළඹ ජනාධිපති කාර්යාලයේදී අද 6 වන වරටත් රැස් විය.


පාප් වහන්සේට ගෞරවයක් ලෙස අයිෆල් කුළුණ නිවා දමයි
2025 අප්‍රේල් මස 21 628 0

ශුද්ධෝත්තම ෆ්‍රැන්සිස් පාප් වහන්සේට සිදුකරන ගෞරවයක් වශයෙන් ප්‍රංශයේ අයිෆල් කුළුණේ විදුලි ආලෝකය අද (21) රාත්‍රියේ නිවා දමන බව ප්‍රංශ නගරාධිපතිනි ඈන් හි


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 498 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 289 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 441 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site