(ඩයනා උදයංගනී)
අමාත්යාංශවල මහජන දිනය ලෙස වෙන්කර ඇති බදාදා දිනයේ දී අමාත්යවරුන්, රාජ්ය අමාත්යවරුන් හා රාජ්ය නිලධාරීන් වෙනත් කටයුතු යොදානොගෙන ජනතාවගේ ගැටලු විසඳීම සඳහාම වෙන්කරගත යුතු යැයි ජනාධිපති ගෝඨාභය රාජපක්ෂ මහතා කැබිනට් මණ්ඩල රැස්වීමේදී දැනුම් දී ඇත.

බදාදා දිනවල වෙනත් කිසිම රැස්වීමක් යොදා නොගෙන කාර්යාලයේ රැඳී සිටින ලෙස සියලු නිලධාරීන්ට උපදෙස් දෙමින් අමාත්යාංශ ලේකම්වරයා ලවා චක්රලේඛයක් නිකුත් කරන ලෙස ද ජනාධිපතිවරයා මෙහිදී ඇමැතිවරුන්ට පවසා තිබේ.
තම ගැටලු විසඳාගැනීම සඳහා දුරබැහැර සිට කොළඹට පැමිණෙන ජනතාවගේ ගැටලු එම ස්ථානයේදීම කාර්යක්ෂම විසඳා දෙන ලෙස ද ජනාධිපති ගෝඨාභය රාජපක්ෂ මහතා මෙහිදී දැනුම් දුන් බව සම කැබිනට් ප්රකාශක, වැවිලි අමාත්ය වෛද්ය රමේෂ් පතිරණ මහතා අද (3) පැවසීය.
සම කැබිනට් ප්රකාශකවරයා මේ බව පැවසුවේ රජයේ ප්රවෘත්ති දෙපාර්තමේන්තුවේ දී අද (3) පැවති කැබිනට් තීරණ දැනුම්දීමේ මාධ්ය හමුව අමතමිනි.
සම කැබිනට් ප්රකාශක, බලශක්ති අමාත්ය උදය ගම්මන්පිල මහතා මෙහිදී පැවසුවේ රාජ්ය නිලධාරීන් බදාදා දිනවල විවිධ රැස්වීම් සම්මුඛ සාකච්ඡා යොදාගැනීමට නිසා මහජන දිනයේදී ජනතාව ඉදිරිපත් කරන ප්රශ්න විසඳීමට රාජ්ය නිලධාරීන් සම්බන්ධ කරගැනීමට නොහැකි වන බව අමාත්යවරුන් විසින් මෙහිදී ජනාධිපතිවරයාට දැනුම් දුන් බවයි.
එබැවින් ප්රශ්න විසඳගැනීමට එන ජනතාවට හිස් අතින් ආපසුයාමට සිදුවන බව ද ඇමතිවරුන් ජනාධිපතිවරයාට පැවසූ බව කී ඇමැතිවරයා එයට විසඳුමක් ලෙස ජනාධිපතිවරයා මෙම පියවර ගත් බව ද කීවේය.
2025 නොවැම්බර් මස 21
11
0
ශ්රී ලංකා ඉන්ෂුවරන්ස් ලයිෆ් හි විකුණුම් කණ්ඩායම විකුණුම් වෘත්තිකයන් ලෙස විශිෂ්ටත්වය කරා යන ගමනේදී ඔවුන්ගේ උනන්දුව සහ කැපවීම වෙනුවෙන් 2025 ශ්රී ලංක
2025 නොවැම්බර් මස 17
132
0
දවසින් දවස අපි හැමෝගෙම ජීවිත හිතාගන්න බැරි තරම් කාර්යබහුල වෙනවා! ඒ busy life එක අස්සේ shopping කරනවා කියන්නේ තවත් ලොකු කාර්යභාරයක් නේද? හවසට වැඩ ඇරිලා ගෙදර යන ගම
2025 නොවැම්බර් මස 04
979
0
2021 බ්ලූ ප්ලැනට්(Blue Planet) ත්යාගලාභී සහ 2007 සාම නොබෙල් ත්යාගයේ සම-ජයග්රාහක මහාචාර්ය මොහාන් මුණසිංහ මහතා මෑතකදී 2025 ඔක්තෝබර් 18-21 දිනවල චීනයේ ඉහළ මට්ටමේ ටියැන්
මහජන දිනයේ ඇමැතිවරුන් හා නිලධාරීන් අමාත්යාංශයේ රැඳී සිටීම අනිවාර්යයි
Deepal Nirosh Thursday, 03 September 2020 09:09 AM
දැන් කී වතාවක් මේ කාරණයට චක්රලේඛ නිකුත් කරලා ඇද්ද? තව කී පාරක් ඉදිරියටත් නිකුත් කරයිද මන්ද? මේකත් අර රට සංවර්ධනය කරනවා වගෙයි...
Puppa Thursday, 03 September 2020 09:26 AM
ඕවා කටින් විතරයි... එයාලාව අල්ලන්න සක්කරයාටවත් බැහැ. දැන් ඒ අය ඉන්නේ විනෝදෙන්..