(ඉන්දිකා රාමනායක)

ගතවූ පැය 24 තුළ දිවයින පුරා සිදු වූ මාරක රිය අනතුරුවලින් පුද්ගලයන් 10 දෙනකු මිය ගොස්ඇතැයි පොලිස් මාධ්‍ය ප්‍රකාශක ජ්‍යෙෂ්ඨ නියෝජ්‍ය පොලිස්පති අජිත් රෝහණ මහතා පවසයි.

මියගිය පිරිස අතර 6 දෙනකු යතුරුපැදිකරුවන් බවත්, තවත් තිදෙනකු පදිකයන් බවත්. එ අයකු ත්‍රිරෝද රථයක ගමන් ගත් පුද්ගලයකු බවත් පොලිස් මාධ්‍ය ප්‍රකාශකවරයා සඳහන් කළේය.

රට තුළ සිදුවන අනතුරුවලින් බොහොමයක්ම වින්දිතයන් වන්නේ යතුරුපැදිකරුවන් සහ පදිකයන් බව පොලිස් මාධ්‍ය ප්‍රකාශකවරයා කීය.

ශ්‍රී ලංකාව තුළ රථවාහන 83000 කට ආසන්න ප්‍රමාණයක් ඇති ඉන් 60,000 යන ප්‍රමාණයක් යතුරුපැදි බවද පොලිස් මාධ්‍ය බව ද පොලිස් මාධ්‍ය ප්‍රකාශකවරයා කීය.

මෙම තත්ත්වය වළක්වා ගැනීම සඳහා යතුරුපැදිකරුවන් ඇතුළු කුඩා වාහන පදවන පුද්ගලයන් ආරක්ෂිතව රථ ධාවනය කළ යුතු බවත් ,මාර්ග නීති නීති වලට අනුගතව කටයුතු කළ යුතු බවත් පොලිස් මාධ්‍ය ප්‍රකාශකවරයා කීය