(ඩී.කේ.රත්න)

පුද්ගලයින් තිදෙනෙකුට පහරදී බරපතල තුවාල සිදු කිරීම සම්බන්ධයෙන් වැල්ලවාය ප‍්‍රාදේශීය සභාවේ එක්සත් ජාතික පක්ෂ ප‍්‍රාදේශීය සභා මන්ත‍්‍රීවරයෙකු අද (24) අත්අඩංගුවට ගත් බව තණමල්විල පොලිසිය පවසයි.

තණමල්විල කිතුල්කොටේ පදිංචි වැල්ලවාය ප‍්‍රාදේශීය සභාවේ එක්සත් ජාතික පක්ෂ ප‍්‍රාදේශීය සභා මන්ත‍්‍රීවරයෙකු මෙසේ අත්අඩංගුවට ගෙන ඇත.

කිතුල්කොටේ ප‍්‍රදේශයේ පදිංචි පුද්ගලයෙකු මුහුණු පොතට ඇතුලු කළ පිංතුරයක් පිළිබඳව විමසීමට මෙම ප‍්‍රාදේශීය සභා මන්ත‍්‍රීවරයා ඊයේ (23) රාත‍්‍රීයේදී එම නිවසට ගිය අවස්ථාවේදී එම නිවසේ සිටි මව පියා සහ පුත‍්‍රයාට මෙම මන්ත‍්‍රීවරයා විසින් පහරදුන් බව පවසා එම පුද්ගලයින් තිදෙනා තණමල්විල රෝහලට ඇතුළත් කිරීමෙන් පසු වැඩිදුර ප‍්‍රතිකාර සඳහා හම්බන්තොට දිසා රෝහලට මාරුකර යවා තිබේ.

අත්අඩංගුවට ගනු ලැබූ ප‍්‍රාදේශීය සභා මන්ත‍්‍රීවරයා වැල්ලවාය මහේස්ත‍්‍රාත් අධිකරණයට ඉදිරිපත් කිරීමට නියමිතය.