අංජුල මහික වීරරත්න
 
ප්‍රධාන පෙළේ ඖෂධ 100ක හිඟයක් ඇතැයි හිටපු සෞඛ්‍ය අමාත්‍ය දොස්තර රාජිත සේනාරත්න මහතා පැවැසීය.

එම ඖෂධ වලින් ඖෂධ 60ක් ඉතා අත්‍යවශ්‍ය ඒවා බවද ඔහු කීය. 

සේනාරත්න මහතා වැඩිදුරටත් මෙසේ ද පැවසීය.

“මේ වනවිට මහනුවර රෝහලේ පිළිකා ඖෂධ කිසිවක් නැහැ. පිළිකා ඖෂධ ගන්නා විට රෝගීන්ගේ සුදු රුධිරාණු අඩු වෙනවා. සුදු රුධිරාණු වැඩි කිරීමට ගන්නා තවත් ඖෂධයක් තිබෙනවා. ඒ ඖෂධය නැති වුණොත් විෂබීජ වලට ප්‍රතිචාර දැක්වීමේ ශක්තිය නැතිව රෝගියා මිය යනවා. ඒ ඖෂධයත් නැහැ. ජලභීතිකාව සඳහා පාවිච්චි කරන කිසිදු එන්නතක් නැහැ.

මේ මොන අපරාධයක්ද? පිළිකා රෝගීන්ට රජයේ රෝහල්වල පිළිකා ඖෂධ නැති වූ විට බාහිර ඖෂධශාලා වලින් ඒවා මිලදී ගන්න කිසිම වත්කමක් නැහැ. එක එන්නතක් රුපියල් ලක්ෂයකට වඩා වැඩියි.” 

දොස්තර රාජිත සේනාරත්න මහතා කොළඹ අරලියගහ මන්දිරයේ පැවැති මාධ්‍ය හමුවකදී මේ අදහස් පැවසීය.