(අංජුල මහික වීරරත්න)
චීන කොමියුනිස්ට් පක්ෂය සිය රට කෘෂිකර්මාන්තයේ සිට කාර්මික කරණය කරා ගෙන ගියේ ලෝක ආර්ථිකයෙන් ඈත්වී නොව ගෝලීයකරණයෙන් ප්රයෝජන ලබාගැනීමෙන් යැයි හිටපු අග්රාමාත්ය සහ එක්සත් ජාතික පක්ෂ නායක රනිල් වික්රමසිංහ මහතා පවසයි.
චීන කොමියුනිස්ට් පක්ෂයේ සිය වැනි සංවත්සරය සූම් තාක්ෂණය ඔස්සේ අමතමින් වික්රමසිංහ මහතා ඒ බව කීය.
කෘෂිකර්මාතයේ සිට දැන් සයිබර් යුගය දක්වා යන චීනයේ ගමන ලංකාවටත් වැදගත් ආදර්ශයක් බව ද රනිල් වික්රමසිංහ මහතා එහිදී සඳහන් කළේය.
ශ්රී ලංකාවේ චීන තානාපති කාර්යාලය සහ ශ්රී ලංකාවේ කොමියුනිස්ට් පක්ෂය එක්ව මෙම සංවත්සර උත්සවය සංවිධාන කළේය.
එහිදී තවදුරටත් අදහස් දැක්වූ රනිල් වික්රමසිංහ මහතා :- අපි සියළු දෙනාම අතීතය ගැන අද සිහිපත් කරනවා. ශ්රී ලංකාවත්, චීනයත් අධිරාජ්යවාදීන්ට එරෙහි නිදහස් සටන ආරම්භ කළේ 1919 වසරේදීයි. එදා ලංකාවේ අපි "ලංකා ජාතික කොංග්රසය" ආරම්භ කළා. චීනය "මැයි 04" නම් ව්යාපාරය ආරම්භ කළා. එම ව්යාපාරය හරහා තමයි 1921 දී චීන කොමියුනිස්ට් පක්ෂය බිහිවුණේ.
චීන කොමියුනිස්ට් පක්ෂය තම 100 වන සංවත්සරය සමරන මේ මොහොතේ මාගේත්, එක්සත් ජාතික පක්ෂයේත් සුබ පැතුම් ඉදිරිපත් කරන්න මෙය අවස්ථාවක් කර ගන්නවා. 1949 මාවෝ සේතුං නායකතුමා චීන ජනරජය ඇති කර ඉන් අවුරුදු 100කට පස්සේ චීනයට ස්ථාවරභාවයක්, ආර්ථික සංවර්ධනයක් ඇති කරන්න කටයුතු කර තිබෙනවා. චීනයේ දුප්පත්කම නැති කිරීමට චීන ජනරජය කටයුතු කර තිබීම අගය කළ යුතුයි.
එදා වෙනස් වූ ලෝකයෙන් චීනය බලවතකු කරන්න චීන කොමියුනිස්ට් පක්ෂයෙන් නායකත්වය දුන් ප්රබලයෙකු වන්නේ ඩෙන්ෂියාඕ පිං ජනාධිපතිතුමායි. ඒ කාලයේ දී චීන අත්දැකීම් මත චීනයටම අනන්ය සමාජවාදයක් ඇති කළා. එදා ආර්ථික හා සමාජමය වශයෙන් ලෝක විපර්යාස සිදු වන කාලයේදී තමයි ලංකාවේත් විවෘත ආර්ථිකය ඇති කොට ප්රජාතාන්ත්රික සමාජවාදී ජනරජය බිහි කළේ.
චීන කොමියුනිස්ට් පක්ෂයෙන් රට ඉදිරියට ගෙනයාම වෙනුවෙන් නවීකරණ ප්රතිපත්ති 04 ක් නිර්මාණය කළා. ආර්ථිකය නවීකරණය කිරීම, කෘෂිකර්මය නවීකරණය කිරීම, විද්යාව හා තාක්ෂණය නවීකරණය කිරීම, ජාතික ආරක්ෂාව නවීකරණය කිරීම ඒ ප්රධාන කරුණු 04 යි. ආර්ථිකය විවෘත කිරීමෙන් චීනයට සංවර්ධනයේ දොරටු විශාල වශයෙන් විවර වුණා.
චීන කොමියුනිස්ට් පක්ෂය ප්රධාන ඉලක්ක 03 ක් පදනම් කරගෙන මූලික ඉලක්කයට පැමිණියා.1983 සිට 1990 දක්වා දළ ජාතික නිෂ්පාදනය දෙගුණයක් කිරීම, 1980 පැවැති දළ ජාතික නිෂ්පාදනය 2000 වර්ෂය වන විට හතර ගුණයක් කිරීම, 2020 වන විට එරට ජනතාවට ගෝලීය මට්ටමෙන් මධ්යම පරිමාණයේ ඒකපුද්ගල ආදායමක හිමිකාරීත්වයක් ලබාදීම, ඔවුන්ගේ ප්රධාන ඉලක්ක තුන වුණා.
එම ගමන ජියෑන් ජෙමිං ජනාධිපතිතුමාත්, හු ජිංටෝ ජනාධිපතිතුමාත් ඉදිරියට ගෙන ගියා. අද ෂී ජිං පිං ජනාධිපතිතුමා යටතේ චීන ජාතියේ ශ්රේෂ්ඨත්වය ඉහළින් තහවුරු කිරීමට විශාල සංවර්ධනයක් ආරම්භ කර තිබෙනවා. ඒ සමගම හරිත ආර්ථිකයක් ලබා දෙන්න ක්රියා කර තියෙනවා. විශේෂයෙන්ම නවීන සේද මාවත (Belt and Road Initiative) මාර්ගය මගින් ආසියාව, අප්රිකාව හා යුරෝපය එකතු කරන නව ආර්ථික රාමුවක් ඇති කරනවා. ලෝකයේ මෙවැනි ආර්ථික රාමුවක් යළිත් ආසියාවෙන් ඇති වෙන්නේ පළමු වරටයි.
චීන කොමියුනිස්ට් පක්ෂයෙන් කාර්මික නොවුනු කෘෂිකාර්මික රටක් කාර්මිකකරණය වූ රටක් බවට පත් කරන්නත්, තාක්ෂණික රටක් බවට පත් කරමින් සයිබර් යුගයකට ගෙන යෑමත් දක්වා වූ ඒ අත්දැකීම් දියුණුව සිතන අපි හැමෝටම වැදගත්. චීන කොමියුනිස්ට් පක්ෂය යථාර්තය හඳුනාගෙන, ලෝක දියුණුව හඳුනාගෙන මේ සියලු කටයුතු ආරම්භ කළා. ලෝකයෙන් හෝ ලෝක ආර්ථිකයෙන් ඔවුන් ඈත් වුණේ නැහැ. ඒ සියල්ලටම ඇතුළු වී අවසානයේ ගෝලීයකරණය තමන්ගේ ප්රයෝජනයට ගත්තා.
චීන කොමියුනිස්ට් පක්ෂය චීනයට දුන්න ඒ නායකත්වය අපි අගය කළ යුතුයි. මොකද අපේ රටවලට එය ඉතාම වැදගත්. මෙයින් ඉගෙනගත හැකි පාඩම් ගණනාවක් අප වැනි රටවලට තිබෙනවා. චීන කොමියුනිස්ට් පක්ෂයේ නායකත්වය යටතේ චීනය අද ලෝක ආර්ථිකයේ බලවත්ම රාජ්ය බවට පත්ව තිබෙනවා. චීනයේ දියුණුවෙන් ආසියාව ඉදිරියට පැමිණ සිටිනවා. අනාගත සයිබර් යුගයට යන දියුණුව ශ්රී ලංකාවට අදාළ වන්නේ කෙසේද යන්නත් එයින් දියුණුවට යන්නේ කෙසේද යන්නත් අපම වටහා ගත යුතු කරුණක්. ලෝක බලවතකු වෙමින් චීන කොමියුනිස්ට් පක්ෂයට, චීනයට නායකත්වය දෙමින් ලෝක සාමය තහවුරු කිරීමට විශාල වගකීමක් තිබෙන බව මේ මොහොතේ සිහිපත් කරන්න කැමැතියි.
චීනයටත්, චීන කොමියුනිස්ට් පක්ෂයටත් යළිත් සුබ පැතුම් එකතු කරමින්, මට මේ අවස්ථාවට ඇරයුම් කිරීම ගැන ශ්රී ලංකා කොමියුනිස්ට් පක්ෂයට ද මාගේ ස්තූතිය නැවත එක් කරනවා යැයි රනිල් වික්රමසිංහ මහතා පැවසීය.
ශුද්ධෝත්තම ෆ්රැන්සිස් පාප්තුමන්ගේ සෞඛ්ය තත්ත්වය යහපත් අතට හැරෙමින් පවතින බව වතිකානය නිකුත් කළ නිවේදනයක දැක්වෙයි.
වී අලෙවි මණ්ඩලයට අයත් නිකවැරටිය ගබඩාවට අද දහවල් ප්රාදේශයේ ගොවීන් දෙදෙනකු මෙම මහ කන්නයේ සිය වී අස්වනු තොගයක් අලෙවි කළ බව වී අලෙවි මණ්ඩලයේ වයඹ කලාප වැඩ
පල්ලේකැලේ බෝගමිබර දුම්බර බන්ධනාගාරයේ සේවයේ නියුතු බන්ධනාගාර නියාමකවරයකු ඉතා සූක්ෂම ආකාරයට බන්ධනාගාරයට මත් ද්රව්ය පාර්සලයක් රැගෙන යාමට උත්සහා කළ
ශ්රී ලංකා ගමනාගමන මණ්ඩලය මගින් වාර ප්රවේශ පත් මිලදී ගත් පාසැල් දු දරුවන්, කාර්මික විද්යාල, විශ්ව විද්යාල හා වැඩිහිටි පුද්ගලයින් ශ්රි ලංගම බස්රථ ව
විදුලි සැපයුමේ ජාල ස්ථායිතාව ශක්තිමත් කිරීම සඳහා ලංකා විදුලිබල මණ්ඩලය ඉක්මන් සහ දිගු කාලීන ක්රියාමාර්ග ක්රියාත්මක කරන බව එම මණ්ඩලය නිවේදනයක් නිකු
ආනයනික ටෙලි නාට්ය, චිත්රපට සහ වාණිජ වැඩසටහන් සඳහා වන බදු අයකරගැනීමට 30 දෙනෙකුගෙන් යුත් සමීක්ෂණ මණ්ඩලයක් අද (17) පත්කළේය.
ශ්රී ලංකාවේ අංක එකේ පාරිභෝගික ඉලෙක්ට්රොනික සන්නාමය වන Samsung සිය නවතම දොර දෙකේ Bespoke AI ශීතකරණ මාලාව ශ්රී ලංකාවට හදුන්වාදෙන ලදි.
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්රමුඛතම විශ්වවිද්යාලයක් වන NSBM
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්රදර්ශනය අති සාර්ථක ලෙස ඉකුත් සතිඅන්තයේ විශ්වවිද්යාල පරිශ්රයේදී පැවැත්විණි.
‘‘චීනයේ ගමන ලංකාවටත් හොඳ ආදර්ශයක්‘‘
Bamunuarachchi Friday, 18 June 2021 06:35 PM
ඉතින් අවුරුදු 5ම බලයේ ඉඳලා ඇයි ඒ විදිහට ඔබ නොකළේ?
ChrisSaturday, 19 June 2021 10:33 AM
ඩෙන්ෂියාඕ පිං තමයි චීනයේ ජනාධිපති , ලංකාවේ ජනාධිපති වෙන්න රනිල්ට බැරිවුණා. මෙයාට උඩින් විධායක ජනාධිපති කෙනෙක් හිටියා කියලා අමතක කරන්න එපා. ඩෙන්ෂියාඕ පිං ආර්ථිකය ඉගෙනගන්න ලංකාවත් පාවිච්චි කළා. චීනේ ෂෙංචන් නගරේ ලංකාවේ විවෘත ආර්ථිකය ආකෘතියක්... අමතක කරන්න එපා චීන ආර්ථික මේ විදියට දියුණු වෙන්න අවුරුදු 50ක් විතර ගියා... අප රටට අවශ්ය දිගුකාලීන නොවෙනස් සැලැස්මක්..!!!
BamunuarachchiFriday, 25 June 2021 12:03 PM
ඉතින් ඔය කෙරුවාව රනිල්ට කොරන්න පුළුවන්ද?. යුද්දේ දිනන්න බැහැ කියලා පර්බාකරන්ට රට දෙන්න ගිවිසුම් ගහපු මෙයා කොහොමද රටේ ආර්ථිකය දිනන්නේ? චීනය, රුසියාව, ඇමරිකාව කරන විදිහට මෙරටේ කොරන්න බැහැ. රටේ තිබෙන සම්පත්, මිනිසුන්ගේ සිතුම් පැතුම්, ආගමික පසුබිම මෙකී නොකී බොහෝදෙ රට දියුනුවට බලපානවා. සිංහල අපි පවුල ළමයි දෙදෙනාට සීමා කරගෙන රටේ අද්යාපන,රැකියා, ඉඩකඩම් බෙදීයාම, වෛද්ය පහසු කම් යනාදියට චිසදුම් හොයනවා. හැමබ්යෝ පුළුවන් තරම් පැටව් බිහිකරලා අපි ඉතිරිකරණ අනාගත දරුවන්ගේ සම්පත් උන් භුක්ති විඳිනවා.
chandimaSunday, 20 June 2021 05:19 PM
ඒ කාලේ දුර බලාගෙනනේ ගියේ. ළඟ තිබුණු චීනේ පෙණුණේ නැහැ. කණ්ණාඩිය ගැලෙව්වට පස්සේ තමයි චීනේ පේන්න ගත්තේ..!!!
chandima Saturday, 19 June 2021 05:32 AM
වතාවක් ඉන්දියාව අමරන්න ගිහින් පාඩමක් ඉගෙන ගත්තා නේද?මෙදාපාර චීනේ
Binkunndaa Monday, 21 June 2021 12:25 AM
මිස්ටර් බීන්.. හොඳ යයි කියා දෙයක් නැත... ගෙදර ගිහින් විවේක ගන්න.
RaveendraMonday, 21 June 2021 08:14 PM
අපේ රට ඇම්ඩා නොහොත් සුත්තර පුංචත් දැන් දැන් ගෙඹි න්යාය ප්රායෝගිකව අත්හදා බලන්න වගේ යන්නේ...
padmapriya Monday, 21 June 2021 03:52 AM
දැන්වත් ගෙදර ගියානම් හොඳයි නේද? කට වහගෙන... කතාව දෝලාවෙන් ගමන පයින්...!!!
Kumar (Gulf) Tuesday, 22 June 2021 12:57 AM
කබරයෙක් කතාකරයි.. කිව්වලු..
de silva Saturday, 26 June 2021 06:19 AM
මිස්ටර් 3% චීන කොමියුනිස්ට් පක්ෂයේ ඔය තරම් හොඳනම් ඔබතුමා එජාපයෙන් ඉවත්වෙලා අලුතින් කොමියුනිස්ට් පක්ෂයක් අටවගෙන හෝ තිබෙන එකකට බැඳිලා දේශපාලනය කරන්න.
chandana Sunday, 27 June 2021 10:31 PM
මේ අදහස් ඔක්කොම සුළුතරයකගේ අදහස්.
chandi Tuesday, 29 June 2021 03:36 AM
මෙයා කාලෙන් කාලෙට හැව අරිනවා වගේනේ..!!!
amila Tuesday, 29 June 2021 06:55 PM
හැබැයි පුතෝ, චීනෙට ගහන්න ගිහින් නම් ඉන්දියන් කාරයින්ගෙන් වගේ ලේසියෙන් ගැලවෙන්න බැරිවෙයි. මොන තරම් වැඩ්ඩෙක් වුණත් ගඟේ මූදෙ නාන්න පුළුවන් වෙලා ආපසු ආවොත් ලොකු දෙයක්...
nihal Thursday, 01 July 2021 07:21 AM
නොහැකියාව පෙනනවද අපේ රටට මහ කරදරයක්