(ඉන්දිකා රාමනායක)

ඌරුජුවා නැමැති සංවිධානාත්මක අපරාධ කල්ලි සාමාජිකයාගේ  ගෝලයකු  ටී 56 ගිනි අවි උණ්ඩ යෙදිය හැකි පිස්තෝලයක් සමග    විශේෂ  කාර්ය බලකාය විසින්   අද (8) පෙරවරුවේ අත්අඩංගුවට  ගත් බව  විශේෂ කාර්ය බලකාය කියයි.
ඌරුජුවාට අයත් ජල්තර නිවෙස් ගිනි අවි සගවා ඇති බවට  ලැබුණු බුද්ධි තොරතුරක් මත   විශේෂ මෙහෙයුම් ඒකකයේ භට කණ්ඩායමක් පෙරවරුවේ එම නිවස සෝදිසියට ලක්කළ  බව විශේෂ කාර්ය බලකාය කියයි.

නිවස වටලන අවස්ථාවේ දී සැකකරු එම නිවසේ සිට පලායාමේ  දී සැකකරු අත්අඩංගුවට ගත් බවත් ඔහුගේ  ඉනේ   ඉහත ගිනි අවිය සගවා තිබී   සොයාගත් බවද විශේෂ කාර්ය බලකාය පවසයි.

ඌරුජුවාගේ මරණයෙන් පසු  මෙම අත්අඩංගුවට ගත් සැකකරු ඌරුජුවා විසින් සිදුකළ  කප්පම් ගැනීම්  ඇතුලු ජාවාරම්  සිදුකරන බවට තොරතුරු  ලැබී ඇති බවද විශේෂ කාර්ය බලකාය පවසයි.

 අත්අඩංගුවට ගත් සැකකරු වැඩිදුර පරීක්ෂණ සදහා හංවැල්ල පොලිසියට බාර දී ඇත.