(විනීතා එම් ගමගේ)

කිලෝ මීටර් 1500 ක් දිගින් යුතු අලිවැට මේ වසරේ ඉදිකර අවසන් කරන  බව වනජීවී සහ වන සම්පත්  අමාත්‍ය සී බී රත්නායක මහතා පවසයි.

මේ වනවිට අවශ්‍ය කෙරෙන සියලු උපකරණ මිල දී ගෙන අවසන් බවත් අනුරාධපුර, පොලොන්නරුව, හම්බන්තොට, පුත්තලම ඇතුළු ප්‍රදේශවල මෙම අලි වැට ඉදි‍කරන බවත් අමාත්‍යවරයා සඳහන් කරයි.

මෙයින් කිලෝ මීටර් 1000 ක් හමුදාවේ ශ්‍රම දායකත්වයෙන් ඉදිකිරීමටත් 500 ක් පෞද්ගලික අංශයට දී ඉදිකරවීමටත් කටයුතු කරන බව ද රත්නායක මහතා පැවසීය.

ඉදිකෙරෙන අලි වැටට පිටින් හණ වගාවක් සිදුකිරීමට ද පියවර ගන්නා බව කී අමාත්‍යවරයා හණ පැල මිලියන පණහක් වැවීමට බලාපො‍රොත්තු වන බවත් අවශ්‍ය හණ පැල ප්‍රදේශවාසින් ගෙන් ටෙන්ඩර් කැඳවා ලබා ගැනීමට ත් පියවර ගන්නා බව කියා සිටියේය.

එම වගාවෙන් ලබා ගන්නා හණ ක‍ෙඳි දේශිය හස්ත කර්මාන්ත සඳහා යොදා ගැනිමට නියමිත යැයි කී ඔහු දිනකට කිලෝමීටර් දෙකක පමණ හණ සිටුවිය හැකි යැයි ද කිය.

එමෙන්ම අලි වැට ඇතුල් පැත්තෙන් එම ප්‍රදේශවාසින් ගේ කර්මාන්තයක් වශයෙන් මී මැස්සන් ඇති කිරීමට සැලසුම් සකසා ඇතැයි ද ඒ සඳහා ප්‍රදේශවාසින්ට මීමැසි පෙට්ටි බෙදා දීමට පියවර ගන්නා බව ද හෙතෙම සඳහන් කළේය.