(එච්. චන්දන )

අකුණු සැර වැදී කුඩා දරුවෙකු මිය ගොස් ඇති බව ආණමඩුව පොලීසිය  කියයි.

ආණමඩුව - ඌරියාව ප්‍රදේශයේදී ඉකුත් 30 වැනිදා සවස මෙම අකුණු අනතුර සිදුවී තිබේ.

ආණමඩුව - ඌරියාව ප්‍රදේශයේ මිය ගොස් ඇති දරුවාගේ මව්පියන් මෙම ප්‍රදේශයෙන් ඉඩමක් මිලදී ගෙන එහි වගා කටයුතු කිරීම ආරම්භ කර තිබේ. දින 03 කට පමණ පෙර පවුලේ පිරිස එම ඉඩම වගා කිරීමේ කටයුතු සදහා මහවැව සිට ඌරියාවට  පැමිණ ඇත.

මහවැව - ඉහළ මහවැව පදිංචිව සිටි දියගු ආරච්චිලාගේ ඉදුසර සංජීව (අවු:06) නම් වූ කුඩා දරුවා මෙම අකුණු අනතුරෙන් මිය ගොස් තිබේ.

30 වැනිදා සවස වැසි ඇද හැලෙන අවස්ථාවේ එම ඉඩමේ ඇති කුඩා නිවස ඉදිරිපිට සිටි දරුවාට එක්වරම අකුණු සැර වැදී ඇති බව පොලීසිය කියයි. අනතුරින් කම්පනයට පත්ව සිටි දරුවාව එම අවස්ථාවේදීම ආණමඩුව මූලික රෝහලට ඇතුළත් කර ඇති නමුත් ඔහුගේ තත්ත්වය බරපතළ බැවින් පුත්තලම මූලික රෝහලට මාරු කර යවා ඇත.පුත්තලම මූලික රෝහලේදී දරුවා මිය ගොස් තිබේ.

පශ්චාත් මරණ පරීක්ෂණය පුත්තලම රෝහලේදී පැවැත්වීමට නියමිතව ඇති අතර සි්ය පිළිබදව ආණමඩුව පොලීසිය වැඩිදුර විමර්ශණ කටයුතු කරගෙන යයි.